![[Passamynd]](/files/2003/05/mar.gif)
Már ÖrlygssonLausnin á efnahagsvandanum
...er einföld:
Hættum að flytja inn og selja drasl. ("Get a real job!")
Hættum að kaupa nýtt jólaskraut fyrir hver jól.
Hættum kaupa ný föt í hverjum mánuði.
Hættum að bæta við tommum á sjónvarpið í stofunni.
Hættum að skipta um sófa- og borðstofusett upp á pjatt.
Hættum að kaupa nýja bíla á tveggja ára fresti ...og hringla alein í þeim út um allan bæ.
...
Kaupum bara það sem okkur vantar.
Notum hlutina þar til þeir eru götóttir, snjáðir og útjaskaðir.
Borgum síðan einhverjum fyrir að gera við og endurnýja þá.
Hættum að henda nothæfum hlutum... seljum þá og kaupum notað.
Hættum að hegða okkur eins og við séum fokking fimm ára, heitum Palli og séum ein í heiminum!
...og þá eigum við kannski smá séns á að lifa heimsendinn af.
Svör frá lesendum (8)
Egill svarar:
Mikið er ég sammála þér. Sérstaklega með draslið. Þetta er eins og hann Jónas vinur minn sagði: við eigum að hætta að kaupa hluti sem við þurfum ekki, fyrir pening sem við eigum ekki til að þóknast fólki sem við þekkjum ekki.
Og hana nú!
28. nóvember 2008 kl. 20:20 GMT | #
reynir svarar:
já já já !!!!
28. nóvember 2008 kl. 21:52 GMT | #
Pjétur G svarar:
Amen!
29. nóvember 2008 kl. 13:16 GMT | #
Kjartan S svarar:
Sælir.
Já, í fullkomnum heimi myndi þetta virka, en í okkar kapítalíska hagkerfi myndi þetta einfaldlega þýða að tannhjól atvinnulífsins myndu stöðvast, eða í það minnsta minnka gríðarlega og snúast mikið hægar.
Það segir sig auðvitað sjálft að ef við fylgjum þessum ráðum, þá minnka umsvif atvinnulífsins, velta minnkar og pláss fyrir arðbær fyrirtæki verður mun minna en ella. Einfaldlega af því að við gerum ráð fyrir að minna sé keypt í þessum vangaveltum.
Ég er ekki að segja að það sé eitthvað verra, en áður en lengra er haldið þá þarf að skoða nokkur atriði.
Ef að við ættum að hætta að kaupa og selja drasl og fá alvöru vinnu, þá þarf að byrja á því að athuga, er vinnu að fá fyrir junk peddlerana?
Ef enga vinnu er að fá fyrir menn sem eru vanir að hugsa og vinna sjálfstætt, þá er líklegt að þeir fari út í business sem væntanlega þarf þá að súast um að koma með aukið value út í þjóðfélagið ekki satt (svo þeir séu ekki að selja drasl)? Helst þarf þessi hugmynd að skapa útflutningstekjur, þar sem okkar litli markaður ræður bara við ákveðinn fjölda "góðar" fyrirtækja.
Þá þarf að skoða, hvernig er staðan fyrir nýsköpun og sprotafyrirtæki? Er yfirhöfuð hægt að fara af stað með hugmynd, þróa vöruna, markaðssetja hana og selja með hagnaði? Hugsanlega, já. Erfitt, alveg áræðanlega.
Það er til hellingur af fólki sem er að lesa yfir hausamótunum á stjórnmálamönnum og almenningi með sambærilegum skilaboðum og þeim sem þú ert með. En enginn þeirra kemur með haldbæra lausn á því hvernig eigi að skapa atvinnu fyrir þá sem sem missa vinnuna við akkurat þessar aðgerðir.
Ég þykist vita það fyrir víst að menn eins og ég og þú myndum fljótt missa vinnuna ef fólk hættir að eyða peningum í óþarfa vitleysu, þannig ég skora á þig að leggja hausinn í bleyti og koma með 2 - 3 hugmyndir um það hvað væri hægt að gera til mótvægis við sparnaðar- hugmyndunum til þess að skapa ný störf.
Bestu kveðjur, Kjartan S.
30. nóvember 2008 kl. 11:19 GMT | #
Már svarar:
Kjartan, lausnin felst í afnámi þenslu- og ofneysluþjóðfélagsins.
Og já, það mun hafa stórtækar atvinnuraskandi afleiðingar fyrir fólk í gerfi-iðnaði - s.s. innflutningi á lífsstílsvörum, verðbréfaumstöflun, o.þ.h.
Á móti munu ný störf skapast við viðgerðir, viðhald og sölu á notuðum og endurnýjuðum varningi.
En mundu, það kostar tíma og peninga að viðhalda ofneyslunni. Atvinnu- og hagvaxtarsköpun neyslubrjálæðisins rétt nær að dekka, ef það, hinn aukna samfélagslega kostnað sem hlýst af því.
Þetta er gerfiverðmætasköpun - rétt eins og hagnaður útrásarfyrirtækjanna (og styrk staða krónunnar heitinnar) var ekkert annað en bókhaldlegar sjónhverfingar.
Fyrir marga er þetta of stór hugmyndafræðilegur pakki til að gleypa, en svona er þetta bara. Samfélag (eða hagkerfi) þar sem tímabundin stöðvun hagvaxtar (eða samdráttur) hefur hræðilegar afleiðingar er augljóslega þrælsjúkt - líkt og heróínfíkill - og lækningin felst ekki í "meira heróíni", heldur að "ná tökum á neyslunni".
30. nóvember 2008 kl. 14:30 GMT | #
Óli Jens svarar:
Þetta eru einmitt ráðin sem margur umhverfisvinur hefur verið að benda á í langan tíma :-)
Þessvegna finnst mér svo gaman að þessari "kreppu", fær vonandi fleiri til að hegða sér skynsamlegra.
Kreppa, the best thing to happen for the environment (hopefully).
Nema fólk haldi áfram neyslunni og borgi fyrir hana með einsaklega óumhverfisvænum aðferðum.
1. desember 2008 kl. 10:01 GMT | #
Jenný svarar:
ÉG vil meira heróín! Engin leiðindi!!!!!!
13. desember 2008 kl. 20:29 GMT | #
Geir svarar:
Hagfræði Kjartans, "einkaneysla skapar hagvöxt", er röng, en um leið sú vinsælasta og viðteknasta í dag. Því miður.
Öllu traustari hagfræði er sú sem lítur á sparnað og fjárfestingar sem uppsprettu auðsköpunar.
Ég vil óska Má góðs gengis í endurvinnsluátaki hans. Það er e.t.v. byggt á svipað gallaðri hagfræði og eyðsluhagfræði Kjartans, en er a.m.k. ekki þvingað upp á aðra en hana kjósa, t.d. með seðlaprentun til að tryggja aðgang að ódýrum lánum ætluðum í einkaneyslu.
7. janúar 2009 kl. 01:14 GMT | #