Færslur laugardaginn 1. september 2007

Kl. 21:21: Tvær léttar spurningar til Tónlist.is 

Vefverslunin Tónlist.is gekk síðast liðið vor í endurnýjun lífdaga með nýrri útlitshönnun og endurskipulagningu vefsvæðisins. Á meðal spennandi nýjunga er að nú selja þeir tónlist á hefðbundnu MP3 formi - án afspilunarvarna - sem er alveg frábær breyting frá fyrirkomulaginu sem var.

Ég er alveg á nippinu með að byrja að kaupa tónlist þarna, en smávægilegur efi um hljóðgæðin sem heldur aftur af mér. (Svo mikið á nippinu að ég er byrjaður :-)

Hér er stutt hljóðdæmi úr 192kbps MP3 skrá keyptri hjá Tónlist.is:

• Jóhann Helgason - Take Your Time (WAV, ~5.2MB, 30sek.)

Ég er enginn svakalegur ádjó-fíll og gæti hreinlega haft kolrangt fyrir mér þegar mér finnst ég heyra bjögun í hæstu tónunum. Því spyr ég einfaldlega:

1. Eru MP3 skrárnar sem Tónlist.is selur kóðaðar frá grunni í fullum gæðum (CD, WAV, FLAC, etc.), eða var farin einhver styttri/einfaldari leið sem gæti skilað eitthvað lakari hljómgæðum?

2. Hvaða forrit var notað til að framkvæma kóðunina?

Svör frá lesendum (10) | Varanleg slóð