Færslur fimmtudaginn 26. apríl 2007

Kl. 00:37: Reisum Café Rósenberg! 

Áskorun til borgarstjóra um að halda starfsemi Café Rosenberg að Lækjargötu 2

Afritað af mæspeis:

Nú er svo komið að eitt helsta vígi íslenskrar tónlistarmenningar riðar til falls. Café Rosenberg, sem er sá staður sem hefur veitt ungum og upprennandi tónlistarmönnum hvað flest tækifæri og mest frelsi undanfarin ár, skemmdist illa í bruna og er tvísýnt með framhaldið. Þess vegna hafa velunnarar staðarins ákveðið að taka höndum saman og safna nægu fé til að byggja staðinn upp að nýju. Þessi hópur fólks kallar sig Tryggingasamsteypu Þórðar Pálmasonar, og berst líka fyrir því að Þórður, betur þekktur sem Doddi á Rosenberg, fái að halda áfram því óeigingjarna starfi sem hann hefur unnið í þágu íslenskrar tónlistar undanfarin ár.

Með þetta að markmiði höfum við ákveðið að blása til tvennra stórtónleika í Loftkastalanum undir yfirskriftinni Reisum Rosenberg. Dagskráin er skipuð nokkrum þeirra hljómsveita sem hafa komið fram á Rosenberg í gegnum tíðina og sett svip sinn á staðinn.

Laugardagurinn 28. apríl kl. 21.00
KK og frakkarnir
Tómas R. Einarsson (Romm Tomm Tomm)
South River Band
Halli Reynis
Pollock bræðurnir og Siggi Sig
Mímósa ásamt Dan Cassidy
Ljótu Hálfvitarnir
Misery Loves Company
Mood
Hilmar Garðarsson

Sunnudagurinn 29. apríl kl. 20.00
Andrea Gylfadóttir
Megasukk
Sviðin Jörð
Hrafnaspark
Villi Naglbítur
Helgi Valur
Hraun
Testiculus in Musica
Vox Fox

Aðgangseyrir er kr. 2.000 ef keyptur er miði á annað kvöldið, en 3.000 ef keypt er á bæði. Aðgangseyrir rennur óskiptur í uppbyggingu Café Rosenberg. Dagskrá hér að ofan og staðsetning. Miðapantanir í síma 8635591(Birgitta) og 6978203(Sara).

Við hvetjum sem flesta til að mæta og styðja við bakið á Þórði Pálmasyni, Rosenberg og íslenskri tónlistarmenningu. Einnig bendum við fólki á að skrifa undir áskorun til Borgaryfirvalda um að Þórður fái að halda starfi sínu áfram að Lækjargötu 2.

Mér þykir alveg ótrúlega vænt um Café Rósenberg, og vona innilega að þessi grasrótarvinna beri árangur.

Svör frá lesendum (2) | Varanleg slóð