Dundforritun kvöldsins: `multi-sms-hack.user.js`

Skrifað 21. febrúar 2007, kl. 01:24

Undanfarnar vikur hefur Stína verkstýrt hópi menntaskólanema, og notað ókeypis SMS sendimöguleikann á heimasíðu Vodafone til að koma skilaboðum áleiðis.

Ég tók eftir því að þetta var ótrúlega mikil handavinna hjá henni - að líma inn eitt og eitt símanúmer í einu, og líma líma skilaboðin aftur og aftur, því reiturinn tæmist milli sendinga.

Því tók ég mig til og forritaði lítið javascript bókamerki (bookmarklet) sem lagar þennan augljósa galla á SMS-eyðublaðinu, og leyfir innslátt á mörgum símanúmerum í einu og sendir skilaboðin á þau eitt af öðru (með kurteislegu 5 sekúndna hléi á milli sendinga).

Hér er bókamerkið:

• Vodafone Multi-SMS

...og leiðbeiningarnar: Stína, dragðu linkinn inn í bókamerkjalistann í vafranum þínum, eða hægri-smelltu á linkinn og veldu "Add to Favourites..." (eða "Bookmark this link..." - fer eftir vöfrum). Næst þegar þú ert á forsíðu Vodafone.is og vilt senda mörg SMS, smelltu þá á bókamerkið.

P.S. Það mætti augljóslega breyta þessu smáforriti mínu í Greasemonkey reglu - en af því ég nota ekki þá Firefox-viðbót sjálfur, þá nenni ég því augljóslega ekki. :-)

Ca. 10 mínútum síðar: Hmm... ég held að ég sé búinn að breyta scriptunni í Greasemonkey reglu: vodafone-multi-sms-hack.user.js Nennir einhver Greasemonkey notandi að prófa hvort ég hafi gert þetta rétt?