![[Passamynd]](/files/2003/05/mar.gif)
Már ÖrlygssonVantar: spýtur, sög ... og farsíma
Ok, mig vantar hvorki spýtur né sög, en mig vantar í alvörunni farsíma.
Af því ég er að skipta frá Vodafone yfir til SKO þá neyðist ég til að fá mér nýjan síma, því Vodafone eru svo miklir helv. durtar[1] að þeir harðneita að aflæsa Simply símanum (VS2) sem var keyptur handa mér fyrir beinharða peninga.
Þessi Simply sími er einfaldlega skemmtilegasti sími sem ég hef á ævinni snert, og því veit ég ekki í hvorn fótinn ég á að stíga þegar kemur að því að fá mér annan...
Helst hallast ég að því að fá mér bara einhvern notaðan síma - eitthvað drasl sem kostar undir 6 þúsund kalli.
Einhverjar hugmyndir handa símaþunglyndum gaur? Á einhver síma sem hann er ekki að nota lengur?
[1] Ég kalla þá durta því þeir segja að það sé tæknilega ógerlegt að aflæsa þessum símum, en ég þykist vita að það sé ósatt - þeir einfaldlega vilji það ekki.
P.S. Ef einhvern Vodafone viðskiptavin langar að prófa Simply (VS2), þá er minn fáanlegur fyrir slikk. Hann er í góðu ástandi með handfrjálsum búnaði og allez.
Svör frá lesendum (16)
Jónas svarar:
Afhverju aflæsirðu ekki símanum sjálfur?
26. janúar 2007 kl. 01:00 GMT | #
Ásgeir H svarar:
Ég fékk einhverja svipaða sögu um síma sem ég keypti í Prag og var læstur og ég gat ekki notað hann þegar ég kom hingað. En næst þegar ég var útí Prag þá fór ég í litla sjoppu í miðbænum og þeir aflæstu símanum mínum á einni mínútu fyrir hundraðkall. Þannig að ég held það sé alveg ástæða til þess að kanna undirheimamarkaðinn í símabransanum, sérstaklega ef þú ert á leiðinni til e-a siðaðra landa á næstunni ...
26. janúar 2007 kl. 03:02 GMT | #
Már svarar:
Jónas, hvernig? Þú lætur þetta hljóma svo einfalt, að ég býst við að þú getir hjálpað mér. Ég á lóðbolta - kemur hann að gagni? ;-)
Ásgeir, ágætis hugmynd. Ég er á leiðinni til Englands í apríl og gæti kannski leikið einhvern leik þar.
26. janúar 2007 kl. 09:51 GMT | #
Freyr svarar:
Það geta öll símafyrirtæki hérna aflæst síma. Þú þarft bara að biðja fallega og þá helst samkeppnisaðila þess sem vill hafa símann þinn læstan.
26. janúar 2007 kl. 10:33 GMT | #
Már svarar:
Freyr,
Ég bað mjög fallega. Ég er tiltölulega góður í að biðja fallega.
Síminn segir:
SKO segir:
Vodafone segir:
Ég bý náttúrulega svo illa að þekkja enga innanbúðarmenn (eða -konur) á farsímaverkstæðum símfélaganna. Kannski það mundi breyta stöðunni.
26. janúar 2007 kl. 11:13 GMT | #
svansson.net svarar:
Svona sími hljómar alveg eins og sími að mínu skapi. Ég vil einmitt bara hringja og senda SMS.
En þegar ekki dugir að biðja fallega er kominn tími á hótanir. Neytendasamtökin og fjölmiðlar eru alveg prima. ;)
26. janúar 2007 kl. 14:06 GMT | #
Már svarar:
Ég prófaði að tala við Neytendasamtökin og þar yppir fólk bara öxlum og segir þessa ákvörðun í höndum Vodafone - það sé ekkert í íslenskum lögum sem banni þeim að harðlæsa símtækjum inn á sitt kerfi um aldur og ævi.
Jah, ég veit ekki... fjölmiðlar, hafa þeir áhuga á svona smámunum?
26. janúar 2007 kl. 14:13 GMT | #
Guðmundur D. Haraldsson svarar:
Er SKO og Vodafone ekki í eigu sömu aðila?
26. janúar 2007 kl. 14:24 GMT | #
Már svarar:
Jú.
26. janúar 2007 kl. 14:46 GMT | #
Jónas svarar:
Nota google mar. Þarft að finna svona umræðuþráð eins og þennan: http://www.gsm-forum.eu/showthread.php?t=480 setur inn umbeðnar upplýsingar og færð síðan kóðann til að aflæsa símanum þínum.
26. janúar 2007 kl. 16:01 GMT | #
svansson.net svarar:
Ef þú aflæsir símanum sjálfur með aðstoð netsíðu eftir að Vodafone sagði það tæknilega ómögulegt, þá ertu kominn með efni í mjög flotta frétt.
"STARFSMENN VODAFONE KUNNA EKKI Á INTERNETIÐ!"
26. janúar 2007 kl. 17:02 GMT | #
Már svarar:
Jónas, ég er svo fjölhæfur, að ég kann líka á Google, og var búinn að rekast á þessa síðu sem þú bendir á.
Ef maður les það sem stendur á henni, þá kemur fram að þessi gaur getur ekki aflæst VS2 týpunni af Sagem símum - heldur er það sagt að "Sagem JTAG" geti aflæst honum.
Nú verð ég bara að viðurkenna að þrátt fyrir frekari Google leit, þá er ég litlu sem engu nær hvað JTAG er - en eftir því sem ég kemst næst, þá hefur það eitthvað með lóðbolta að gera... ?
26. janúar 2007 kl. 21:04 GMT | #
Már svarar:
OK, ég fann skilgreiningu á JTAG sem útskýrir að hluta hvað þeir eiga við... Þetta beisikklí byggist á einhverskonar low-level hacking á stýrikerfi símans yfir seríal-kapal.
Uhm... ef út í þetta fer, þá held ég að mig vanti einhvern stóran og sterkan karlmann til að bjarga mér. *unglingsstelpu-fliss*
26. janúar 2007 kl. 21:14 GMT | #
Gunnar svarar:
Hættu þessu væli drengur og fáðu þér þennan: http://farsimalagerinn.is/?prodid=249
rúmlega 4 þús.
29. janúar 2007 kl. 09:27 GMT | #
Hulda Axelsdottir svarar:
Hæ ég væri kannski alveg til í að skoða þennan síma og kaupa ef mér líst vel á:) Hvað varstu að spá í að fá fyrir hann??
30. janúar 2007 kl. 09:27 GMT | #
Már svarar:
Félagi minn benti mér á leið sem mér hafði yfirsést, sem gæti dugað til að aflæsa símanum. Ef það tekst, þá er hann ekki falur. Annars verð ég í bandi Hulda.
30. janúar 2007 kl. 09:53 GMT | #