Færslur mánudaginn 1. janúar 2007

Kl. 14:25: Gullmolar Silfur-Egils um blogg 

Egill Helgason segir í nýjasta pistli sínum, Ekki blogg – gleðilegt ár:

"Ég er líka að sumu leyti sammála Jónasi Kristjánssyni um að að bloggið sé ekki sérlega merkilegt"

Fjölmiðlamaðurinn Egill er eðlilega hallur undir hefðbundna fjölmiðla, en það er samt athyglivert í ljósi þess að honum þykir blogg "ekki sérlega merkilegt" að Egill skuli samt byrja ársuppgjörspistilinn sinn á því að tala um blogg, og bera saman við eigin vefskrif:

"Sögu mína á internetinu má rekja til 1. febrúar árið 2000, sem er sirka fimm árum áður en bloggið var fundið upp."

Og þar höfum við það svart á hvítu - Egill Helgason veit ekki rassgat hvað hann er að tala um!

Ég vil eiginlega ekki trúa því að Egill sé svona vitlaus. Greinin er birt korter yfir átta á gamlárskvöld. Karlinn hefur ábyggilega verið byrjaður að staupa sig, þegar hann smellti inngangstextanum framan á og smellti á "publish".

[Viðbót Eftir að hafa lesið greinina til enda, þá finnst mér ýmislegt fleira benda til þess að hann hafi ekki alveg verið með réttu ráði. :-)]

Svör frá lesendum (4) | Varanleg slóð