Már Örlygsson - Heimasíða og blogg - aðgengileiki í fyrirrúmi.

"Mínar stillingar" og Stillingar.is

Skrifað 21. nóvember 2006, kl. 01:19

Jæja í síðustu viku komst litla barnið mitt á legg. Vefsvæðið Stillingar.is fór í loftið með glans og var kynnt opinberlega á Aðgengisráðstefnu Sjá ehf. við nokkuð góðan orðstír - þótt ég segi sjálfur frá.

Megnið af fyrirlestrinum, sem tók 15 mínútur, fór í lifandi sýningu á því hvernig "Mínar stillingar" virka á nokkrum vefsvæðum. Hér má sjá glærurnar sem ég notaði í upphafi og í lokin:

Í dag gekk ég svo frá fyrstu útgáfum tæknilegrar skjölunar á vefþjónustunum sem Stillingar.is býður:

Hvar sem þið rekist á hnapp með Stillingar.is lógói getið þið smellt á hann og skoðað viðkomandi vef með ykkar stillingum. Að auki er líka hægt að þröngva hrárri "Mínar stillingar" framsetningu á allar vefsíður sem ekki hafa sett upp sinn eigin hnapp með því að nota þetta Javascript bókamerki.

Þetta verkefni er búið að vera mjög skemmtilegt - m.a. vegna kraftmikillar stjórnar félaga Tórós á lokasprettinum á öllu sem tengdist textagerð og framsetningu á kynningarefni - en ekki síst vegna þess hversu skýrt það sýndi mér að allt þetta fólk sem ég vinn með í Hugsmiðjunni eru algjörir mega-talentar hver á sínu sviði og góðir vinnufélagar.

Að lokum langar mig að telja upp þær heimasíður sem hafa sett upp "Mínar stilingar" hnapp (ýmist vefþjónsmegin, eða með Javascript virkni):

Meira þessu líkt: HTML/CSS, Javascript.

Svör frá lesendum (2)

Sigurjón svarar:

Hrikalega flott verkefni sem þú hefur ýtt úr vör Már, eins og þér einum er lagið. Til hamingju!

21. nóvember 2006 kl. 09:37 GMT | #
Ásgeir H. Pálsson svarar:

Snilldarhugmynd hjá þér og frábært að hugmynd hafi orðið að vöru. Löngu tímabært að svona verkfæri yrði aðgengilegt og þetta er vissulega eitt stórt skref í átt að aðgengilegri vefjum fyrir "alla".

20. desember 2006 kl. 00:24 GMT | #