Færslur Þriðjudaginn 21. nóvember 2006

Kl. 01:19: "Mínar stillingar" og Stillingar.is 

Jæja í síðustu viku komst litla barnið mitt á legg. Vefsvæðið Stillingar.is fór í loftið með glans og var kynnt opinberlega á Aðgengisráðstefnu Sjá ehf. við nokkuð góðan orðstír - þótt ég segi sjálfur frá.

Megnið af fyrirlestrinum, sem tók 15 mínútur, fór í lifandi sýningu á því hvernig "Mínar stillingar" virka á nokkrum vefsvæðum. Hér má sjá glærurnar sem ég notaði í upphafi og í lokin:

1. Um okkur
2. Stillingar.is í hnotskurn
3. Nokkur vefsvæði
4. Helstu kostir Stillingar.is - I
5. Helstu kostir Stillingar.is - II

Í dag gekk ég svo frá fyrstu útgáfum tæknilegrar skjölunar á vefþjónustunum sem Stillingar.is býður:

• Vefþjónustur í boði frá Stillingar.is
• Nöfn á stillingabreytum og ráðlögð CSS gildi

Hvar sem þið rekist á hnapp með Stillingar.is lógói getið þið smellt á hann og skoðað viðkomandi vef með ykkar stillingum. Að auki er líka hægt að þröngva hrárri "Mínar stillingar" framsetningu á allar vefsíður sem ekki hafa sett upp sinn eigin hnapp með því að nota þetta Javascript bókamerki.

Þetta verkefni er búið að vera mjög skemmtilegt - m.a. vegna kraftmikillar stjórnar félaga Tórós á lokasprettinum á öllu sem tengdist textagerð og framsetningu á kynningarefni - en ekki síst vegna þess hversu skýrt það sýndi mér að allt þetta fólk sem ég vinn með í Hugsmiðjunni eru algjörir mega-talentar hver á sínu sviði og góðir vinnufélagar.

Að lokum langar mig að telja upp þær heimasíður sem hafa sett upp "Mínar stilingar" hnapp (ýmist vefþjónsmegin, eða með Javascript virkni):

• Félagsmálaráðuneytið
• Öryrkjabandalag Íslands (ÖBÍ)
• Tryggingamiðstöðin hf.
• Auðlesinn Mbl.is
• Sjónstöð Íslands
• Sjá ehf.
• Blindrafélagið
• Tölvumiðstöð fatlaðra
• Einstaklingar:
  • Þórarinn 'Tóró' Stefánsson
  • Borgar Þorsteinsson
  • Doppa Jónsdóttir

Svör frá lesendum (2) | Varanleg slóð