Færslur Þriðjudaginn 31. október 2006

Kl. 23:00: Kisurnar okkar vantar gott heimili 

Við fjölskyldan erum í þeirri dapurlegu stöðu að þurfa að finna kisunum okkar tveimur nýtt heimili. Ástæðan: Stína er komin með alvarlegt kattarofnæmi sem engin leið er að halda í skefjum með lyfjum.

Þetta eru afskaplega gæfar og blíðar, dulítið smávaxnar, læður sem eru að verða 7 ára gamlar (gotið í desember 1999). Þær hafa alla tíð verið innikisur.

Þær eru hreinræktaðir blendingskettir af bestu gerð. Önnur gul með hvítan maga, en hin þrílit - grábröndótt með gulum blettum og hvít á maga, loppum og framan á hálsinum.

Við erum eiginlega í öngum okkar yfir þessu, ekki síst vegna krakkanna. Garpur hefur alla tíð litið á þær sem fullgilda fjölskyldumeðlimi, og Úlfrún er nú þegar farin að tengjast þeim heilmiklum tilfinningaböndum.

Ég lofaði Garpi (og sjálfum mér) að gefast ekki upp fyrr en okkur hefði tekist að finna þeim gott heimili - helst þar sem við ættum séns á að heimsækja þær af og til - og það loforð ætlum við að halda.

Vinsamlega verið í bandi ef þið vitið um gott heimili fyrir þær greyin.

P.S. Kisurnar heita þeim frómu nöfnum Lufsa og Pussa.

Svör frá lesendum (6) | Varanleg slóð