Græjukaup: linsur og dót fyrir myndavélina

Sigurjón svarar:

Ég vil fá að vita, áður en ég legg mitt mat á þetta. Hvað áttu nú þegar, annað en 300D body-ið?

14. september 2006 kl. 04:46 GMT | #

Már svarar:

Bara "kit" linsuna - 18-55mm f/3.5-5.6.

14. september 2006 kl. 09:05 GMT | #

Matti svarar:

Af þessum linsum sem þú telur upp er Sigma 70-300 best hvað myndgæði varðar. Það er ágæt þumalputtaregla að því meira sem "zoomið" er, því verri eru gæði linsunnar. 28-300 er 10x zoom á meðan 70-300 er u.þ.b. 4x Auk þess ertu þegar með linsu sem spanar 18-55 og því er 70-300 ágæt viðbót. Á móti kemur að þú þarft að skipta um linsur, en það er bara hluti af þessum pakka.

Þetta með zoomið er svosem ekkert náttúrulögmál, ég veit að í dag eru menn afskaplega hrifnir af 18-200VR Nikon linsu, en hún kostar líka sitt.

Sigma 70-300 APO linsan kemur vel út í samanburði við aðrar ódýrar zoom linsur í sama flokki 70-300 4.5-5.6. Ég átti svona linsu fyrir Nikon og hún var ansi góð. Er reyndar búinn að selja hana og kominn í næsta flokk af zoom linsum (80-200 2.8), en þær eru bæði dýrari og þyngri.

Það er ljóst að til að nota þessar zoom linsur með lítið ljósop þarf mikla birtu, þú ert ekki að fara að nota þær mikið í rökkri.

En þú ert kominn með 50mm 1.8 á listann, það eru frábær kaup að mínu mati.

Ég myndi líka skoða utanáliggjandi flass, það munar afskaplega miklu að geta "skoppað" flassinu af loftinu og þessháttar.

14. september 2006 kl. 09:45 GMT | #

reynir svarar:

ég er ekki viss um að batterígripið virki fyrir 300d, það er hætt að framleiða grip fyrir 300d frá canon fyrir töluverðu síðan og þau löngu uppseld.

50m 1.8 er geggjuð linsa fyrir lítinn pening, þ.a. það steinliggur.

annars ætlaði ég bara benda þér á eina síðu: http://www.the-digital-picture.com/Reviews/

14. september 2006 kl. 10:27 GMT | #

Már svarar:

@Reynir, Beco selja þetta batterígrip og segja að það passi á Canon 300D. Takk fyrir ábendinguna með review síðuna - ég skoða hana í kvöld.

@Matti, upplýsingatextinn um 28-200 linsuna á Adorama talar um "mikil myndgæði" ... en ég veit ekki alveg hversu mikið er að marka þá fullyrðingu. Tilhugsunin um 200/300mm macro myndatöku með 50cm fókus fjarlægð fannst mér dáldið kitlandi. Lágmarks fókusfjarlægð á 70-300 linsunni er 150 cm sem gefur ekkert sérstaklega merkilega macro-nálægð - grunar mig (??).

14. september 2006 kl. 12:21 GMT | #

Matti svarar:

Það er ekkert að marka auglýsingar, ekki einu sinni upplýsingatexta á Adorama :)

Sigma 70-300 er ekki alvöru macro linsa, heldur einungis 1:2 macro (minnsti flötur sem hægt er að taka mynd af í fókus er 2x stærri en skynjari vélarinnar, alvöru macro linsur eru 1:1, þ.e. flötur jafnstór skynjara (þetta miðast reyndar við 35mm filmu, en ég held það breyti engu))

Ég sé að hinar linsurnar eru með "minna macro", þ.e.a.s. 1:3.8 og 1:3 Ég sé því ekki betur en að 70-300 linsan sé betri (tja skárri) macro linsa en hinar. Vona að ég sé ekki að mistúlka þessar tölur.

Fann þessi ummæli á dpreview foruminu:

I own both of these lenses. The tamron is an excellent super zoom; you just have to be willing to accept the compromises of a 10x+ zoom. The sigma gives you the best quality you will find in a 70-300 zoom unless you spend a lot more.

The tamron gives surprisingly good to excellent performance from 28-100mm. From 100-200mm performance is still good. From 200-300mm the lens isn't great, but it is definitely usable. Prints will look better than 100% view on a monitor.

The sigma is sharper and faster (aperature) throughout the 70-300mm range compared to the tamron.

14. september 2006 kl. 13:24 GMT | #

Jósi svarar:

Ég á 28-300mm Sigma linsu og hún er satt best að segja frekar slöpp, manni finnst myndirnar aldrei vera skarpar þar sem MTF linsunnar er svo slappt. En hún var ódýr og hefur það vítt zoomsvið að ég þarf ekki að ganga með þeim mun fleiri linsur með mér. Ég eyddi slatta (meiru heldur en 300d vélin mín og 28-300 linsan til samans) í 10-22mm hágæðalinsu. Það voru fín kaup.

Varðandi 50mm 1.8 linsuna þá er ég alveg sammála því að það sé gott að eiga eina linsu með góðu ljósopi, en 50mm gætu verið í þrengri kantinum fyrir þig, sérstaklega vegna þess að þú munt eflaust freistast til að nota hana innandyra í margmenni því hún mun bjóða þér upp á möguleikann að mynda flasslaust. Ég myndi athuga hvort að til sé normallinsa (eða aðeins víðari) með svipuðu ljósopi á góðu verði.

14. september 2006 kl. 13:32 GMT | #

Birkir le bueff svarar:

Már þú ert lúði með svarhalann.

En lestu um linsur á fredmiranda vefnum: http://fredmiranda.com/reviews/

En external flash gerir heilmikið fyrir ljósmyndirnar þínar ef ert í inni myndatöku.Það að geta lásið ljósið endurkastast af stórum möttum fleti gerir heilmikið fyrir myndir.

Kveðja Birkir

14. september 2006 kl. 15:55 GMT | #

Gunnar svarar:

Tek undir með flassið, bestu kaup sem ég hef gert síðan ég keypti myndavélina (350D), innimyndir verða mun skemmtilegri heldur en með innbyggða flassinu. Ég er síðan ekki nægilega mikill ljósmyndanörd til að tjá mig um linsurnar ;>

15. september 2006 kl. 00:12 GMT | #

Már svarar:

@Birkir, takk fyrir ábendinguna. Ég kíkti á Fredmiranda.com en það eru engar umfjallanir um neinar af zoom-linsunum þremur sem ég er að velta fyrir mér.

Varðandi flass, þá er ég bara svo óskaplega lítill flass-karl að ég held að ég bíði enn um sinn með slík kaup. Ég nota nær eingöngu umhverfisbirtuna í mínar myndir og notast þá frekar við hand-held viðbótarljós ef í hart fer.

Ég hef enn ekki haft tíma til að skoða "The Digital Picture".com, en kemst vonandi í það annað kvöld. Vandamálið sem ég sé annars við umsagnir fólks um 28-300mm og (sérstaklega) 28-200mm linsurnar er að þar kemur sjaldnast fram nákvæmlega hvaða útgáfu/árgerð/deilitegund þessara linsa það er að tala um - og einhverjir vilja meina að það skipti einmitt máli.

@Matti, þetta virðist vera rétt skilið hjá þér með hvað "1:N macro" þýðir. Lágt "N" jafngildir meiri stækkun, sem þýðir að mér finnst 70-300mm linsan hljóma mun meira spennandi núna en áður.

Ef ég horfi bara í "spekkana" á henni þá finnst mér mínus að hún skilur 55-70mm bilið eftir óbrúað. ...en ég ætti líklega alveg að lifa það af.

Svo var Gunnar Freyr kunningi minn að segja mér frá Canon 85mm f/1.8 USM linsu sem hann á. Úhhh... ég fann alveg græjufíknina magnast í mér. :-)

15. september 2006 kl. 02:12 GMT | #

Már svarar:

Þá er eftir ósvarað spurningunni um batteríin. Er einhver ástæða til að hræðast ódýrari after-market útgáfurnar?

15. september 2006 kl. 02:35 GMT | #

Matti svarar:

Hér er verið að selja notað batterígrip.

15. september 2006 kl. 09:34 GMT | #

Davíð svarar:

Ég sendi þér póst áður en þú opnaðir fyrir athugasemdir, geri bara ráð fyrir að þú hafir ekki fengið hann. En þar talaði ég einmitt um að munurinn á ódýru batteríunum og canon batteríunum sé sá að líftími þeirra ódýru sé minni (í einhverjum tilfellum allavega).

15. september 2006 kl. 10:19 GMT | #

Már svarar:

@Davíð, ég fékk engan póst frá þér. Þú finnur netfangið mitt í fætinum á þessari síðu, ef þú vilt prófa aftur.

@Matti, kúl. Það sem ég fíla við hitt Batterígripið er að það tekur (bara) 4stk. AA hleðslubatterí.

15. september 2006 kl. 10:36 GMT | #

Hrafnkell svarar:

Ég læt aldrei sleppa frá mér tækifæri til að beturvitast, sér í lagi þegar ég veit ekkert um málið :)

Fróður ljósmyndari sagði mér um daginn að munurinn á ódýrum linsum og dýrum væri m.a. efnið í glerinu. Ódýrari linsur notuðu plastefni. Glerið og yfirborðsmeðhöndlun þess hefur mikil áhrif á hve mikið ljós kemst í gegn, myndbjögun og litabjögun.

16. september 2006 kl. 13:14 GMT | #

Jökull Másson svarar:

Ég datt inn á þessa síðu í gegnum Ljosmyndakeppni.is.

Ég ætla ekki að fara að tjá mig um linsur hér enda held að ég get voða lítið komið að gagni þar.

Aftur á móti vill ég benda þér á af gefinni reynslu minni að best er að kaupa orginal Canon battery ekki kaupa eftirlíkingar. Þær duga kannski u.þ.b. eitt ár en hitt battery-ið sem er sum sé frá Canon endinsist lengur.

Það gerðist allavega með battery sem ég keypti í Beco, keypit eitt frá Canon og annað sem var frá eftir hermu framleiðanda og það er löngu ónýtt en Canon battery-ið er í fullu fjöri enn.

19. september 2006 kl. 14:28 GMT | #

Már svarar:

@Jökull, takk fyrir þessa ábendingu.

19. september 2006 kl. 15:04 GMT | #