![[Passamynd]](/files/2003/05/mar.gif)
Már ÖrlygssonFundnir staðir frá Kaupmannahöfn anno 1997
- Húsið sem ég leigði herbergi í sumarið 1997
- Smábátahöfnin í Dragör þar sem ég sat við borð á útikaffihúsi og skrifaði Stínu bréf til Kanada
- Litli skrýtni Tyrkjaveitingastaðurinn þar sem við Logi fórum reglulega og fengum "alt du kan spise" á 29kr.
- Góða genbrugs fataverslunin á Jagtvej sem ég hef alltaf kíkt í þegar ég hef heimsótt Köben
- Þarna var óræktarbletturinn sem ég faldi "city bike" (bycyclen) hjólin á leiðinni heim á kvöldin til að geta gengið að þeim aftur morguninn eftir Núna eru runnarnir horfnir og búið að byggja hús.
Nokkrir staðir sem eru enn týndir:
- Databilioteket rétt vestan við gamla miðbæinn í Köben þar sem ég sendi tölvupóst og heimabankaðist.
- Tyrkjasjoppan sem seldi alltaf bjór eftir kl. 8 rétt hjá Kongens Nytorv og Strikinu (ca. þarna??)
- Heimili Önnu (Logamömmu) og Luca í Ålborg.
- Húsið þar sem ég gisti hjá Pálínu frænku í Hundige(?) á Suð-Austur Sjálandi.
- Bílskúrsþakið undir brekkunni í miðborg Gautaborgar þar sem við Logi sváfum tvær nætur undir berum himni - þá seinni í svefnpoka.
- Stóra tréð í almenningsgarðinum í miðborg Gautaborgar þar sem við dottuðum áfram eftir að eigendur bílskúrsins voru líklega farnir á fætur.
Svo eru náttla fullt, fullt af augljósum stöðum sem ég nenni ekki að linka á. (Auk þess sem Reykjavík er komin í sæmilega upplausn.)
Svör frá lesendum (7)
Svansson svarar:
Jaktvej - hversu langt er hann frá Strikinu og ca hvar í Köben?
26. apríl 2006 kl. 11:40 GMT | #
Már svarar:
Það átti náttúrulega að vera "Jagtvej" (búinn að leiðrétta).
Smelltu á linkinn og skoðaðu götunöfnin, þá finnurðu götuna og staðsetningu hennar í Köben.
26. apríl 2006 kl. 12:58 GMT | #
Freyr svarar:
Það er skuggalegt hvað maður getur tapað sér í Google Maps og sérstaklega Google Earth við að skoða hitt og þetta. Gaman að sjá höfuðborgarsvæðið komið í hærri upplausn, en miðað við að það eru enn óbyggð hús nálægt heimilinu mínu mundi ég segja að þetta væri ca 3 ára gamlar myndir.
27. apríl 2006 kl. 11:45 GMT | #
Freyr svarar:
Tívólíið er fyrir utan Smáralind, þannig að myndirnar eru frá ágúst 2003.
27. apríl 2006 kl. 11:50 GMT | #
Hrafnkell svarar:
Það var tívólí við Smáralind í sumar og fyrrasumar ekki satt?
27. apríl 2006 kl. 15:08 GMT | #
Freyr svarar:
Jú, en þá voru komin hús í hverfinu hjá mér sem eru ekki á kortinu. Reyndar núna þegar ég skoða betur mannvirkin, þá gæti þetta verið frá ágúst 2004.
1. maí 2006 kl. 01:51 GMT | #
Már svarar:
Miðað við loftmyndirnar af húsinu okkar í Borgarvefsjánni, þá er Google að nota ljósmyndir af höfuðborgarsvæðinu teknar 18. júlí 2004.
1. maí 2006 kl. 03:25 GMT | #