Færslur laugardaginn 15. apríl 2006

Kl. 02:02: Heimabrennt kaffi 

Röð atburða í kvöld:

• Rakst á þessa heima-kaffibrennslu myndaseríu frá Dave Shea.
• Elti link (spam?) í svarhala inn á Sweet Maria's kaffinördaverslunina.
• (Rekst þar á svokallaðar "Vacuum brewing" kaffikönnur. Fallegar og skemmtilega "low-tech", en líklega of dauf-bruggandi fyrir minn smekk.)
• Ákveð að mig langi í alvöru kaffikvörn ("burr-grinder") í stað kaffiskurðarhnífsins ("chopper") sem ég aulaðist til að kaupa í hitti-fyrra.
• Fer inn í eldhús og færi kaffibaunirnar úr ísskápnum í venjulegan skáp.
• Les leiðbeiningar um aðferðir við heima-kaffibrennslu - sérílagi notkun poppkornsvéla við kaffibrennslu.
• Sendi fyrirspurn til bæði Kaffitárs og Te og kaffi um hvort hægt sé að kaupa hjá þeim grænar (óbrenndar) kaffibaunir.
• Set auglýsingu á partalistann þar sem ég lýsi eftir poppkornsvél.
• Rölti inn í eldhús og mala í einn bolla og skelli mokka-könnunni á eldavélina. (Iss, hver þarf nætursvefn?)

Á ekki einhver gamla poppvél (með djúpu baunahólfi) sem hann vill gefa eða selja fyrir slikk?

Svör frá lesendum (10) | Varanleg slóð