Hip hip hip - Sushi brella!

Bjarni Rúnar svarar:

Húrra!

30. mars 2006 kl. 11:26 GMT | #

Magga Mold svarar:

Geðveik hugmynd. Ég hef verið að veigra mér við að gera sushi akkúrrat útaf þessu möndli sem er ekki fyrir mína gigtveiku fingur. Eg elska sushi, sérstaklega nigiri. Ég á pottþétt eftir að stela þessari hugmynd! Takk Már snilli.

30. mars 2006 kl. 15:14 GMT | #

_Y_ svarar:

ég mótmæli í prinsippi svona hraðsuðuaðferðum. Sushi snýst um alúð við verkið. Legg til að tekin verði session á þessu hið fyrsta.

30. mars 2006 kl. 15:45 GMT | #

Már svarar:

Haha! ég vissi að mér tækist að pirra a.m.k. einn.

Það er svo mikið snobb í kring um sushi, að mér fannst algjört möst að ögra fólki svoldið með svona barbarískum pragmatisma.

30. mars 2006 kl. 15:54 GMT | #

Már svarar:

...en Steini (-y-), svona í alvöru talað þá finnst mér A) hrísgrjónaklumparnir ekki sá hluti sushigerðarinnar sem á skilið mesta alúð og natni, skreytingarnar og framreiðslan skiptir miklu meira máli og B) gott sushi byggist mikið til á fersku hráefni og hreinlæti, og því fæ ég ekki séð að það sé beinlínis til bóta að káfa sem mest á hrísgrjónunum. ;-)

30. mars 2006 kl. 18:37 GMT | #

Borgar svarar:

Púntkar frá púrista:

1. Sushi eru hrísgrjónin. Ekki fiskurinn, ekki þangið, ekki framreiðslan. Hrísgrjónin! Orðið þýðir bókstaflega "klístrug hrísgrjón". Ef þú ert ekki hrifinn af grjónunum þá er sashimi sennilega það sem þú vilt borða.

2. Sammála atriði B - gott hráefni og hreinlæti eru undirstöður allrar almennilegrar matargerðar, nema kannski íslenskrar. :-D

3. Hrísgrjónin eru það mikilvægasta og jafnframt það erfiðasta við sushigerð. Þau eru einnig, eins og flestir sem reynt hafa við þetta vita, fáránlega ómeðfærileg.

Þess vegna finnst mér þessi hugmynd alveg frábær! Hún er líka svo patent og plastgerð að það mætti ljúga því að mér að hún sé japönsk. :-)

30. mars 2006 kl. 23:11 GMT | #

Bragi Skaftason svarar:

Vil ekki vera að rigna á skrúðgönguna þína Mási minn, en til þess að stytta þér þennan tíma og til að benda öðru fólki á aðra og einfaldari lausn, þá er hægt að fá mótunartól í sælkerabúðinni við hliðina á Nings ásamt öðrum áhöldum og efnum í sushigerðina. Plús að það er lægra verð þar á íhlutum í sushi gerð en annars staðar.

30. mars 2006 kl. 23:39 GMT | #

Zato svarar:

Þetta minnir mig óneitanleg á síðustu ferð mína með Kizu, Pabba og bræðrum mínum á MARU sem var eitt sinn Sticks & Sushi.

Þar höfðum við beðið eftir suhsi-inu okkar í rúman klukkutíma þegar við ákváðum að hóa í þjóninn, og í ALGERU grýni spurði pabbi hvort að biðin væri svona löng af því að "sushivélinn" þeirra væri biluð. Með dauðans alvöru svip sagði hún að það væri málið.

Ég held að það hafi verið á þeim tímapunkti sem við ákváðum að fara aldrei þangað inn aftur, það er ögn pirrandi þegar afgreiðslufólki lýgur upp í opið geðið á manni..... en nú eftir að hafa séð sushivél, fer ég að hugsa til baka, ætli hún hafi verið að segja satt ?

31. mars 2006 kl. 10:03 GMT | #

Már svarar:

Borgar, ég veit að hrísgrjónin eru aðal málið í sushi, og ég fíla borða þau .. bara ekki að drullumalla úr þeim.

Bragi, óttalegur leiðindapúki getur þú verið! :-) En takk fyrir ábendinguna, ég kem til með að skoða úrvalið í Nings við fyrsta tækifæri. Ég efast samt um að mótunartólið þeirra sé jafn kúl og mitt. ;-)

31. mars 2006 kl. 14:13 GMT | #

_Y_ svarar:

Aaaaand my work here is done :-)

Það eina sem ég ætti að gera væri að segja að Silvía Nótt væri æðisleg söngkona en lagið hennar alslæmt. Þá gæti maður sko komið af stað alvöru rifrildi :-)

En að lélegu gríni slepptu, þá er þetta án efa ágætis aðferð hjá þér Már. Mig langar bara ekki að framkvæma hana. Hin aðferðin er nokk hreinleg og auðveld ef þú ert búinn að ná taktinum í henni.

E.s. Mér finndist líka við hæfi að þú sýndir myndir af tilbúnum bitum - bara svona rétt til að sýna okkur fram á að þú hafir náð fram þessum punkti þínum með að leggja meira í skreytingarnar ;-) (Jú - ég veit þú ert menntaður myndlistamaður og áreiðanlega nokkuð góður sem slíkur). E.e.s. - Borgar hefur nubblega nokkuð til síns máls í lið 3. Bévöð hrísgrjónin eru galdurinn í þessu - rétt bragð, rétt hlutföll á ediki, salti og sykri miðað við fiskinn þinn og svo framvegis og framvegis... jamm..

2. apríl 2006 kl. 01:06 GMT | #

Már svarar:

Þegar ég verð orðinn það góður í sushi gerðinni að ég treysti mér til að pósta myndum af útkomunni fyrir almannasjónir, þá skal ég gera það.

Þessi sushi brella mín snýst aðallega um að "lækka þröskuldinn" og lágmarka frústrasjónina fyrir svona amatöra eins og mig.

2. apríl 2006 kl. 12:18 GMT | #

Unnur María svarar:

Hmm... er þetta ekki soldið eins og að nota dreamveaver til að setja upp heimasíðuna sína... ;)

Svona öllu gríni slepptu hef ég efasemdir um ágæti aðferðarinnar þar sem mér finnst skipta miklu máli þegar maður er búinn að sjóða grjónin rétt og bragðbæta þau rétt og kæla þau rétt að þau verði ekki klesst og ég sé ekki alveg fyrir mér annað en að þau verði of klesst af því að vera þjappað nægilega fast í mótið til að detta ekki í sundur þegar þau eru losuð úr. Fyrir utan það að ég sé heldur ekki annað fyrir mér en að maður þurfi eitthvað smá að laga hvern bita til eftir að hann kemur úr mótinu þannig að fyrir jafn mikla sushisnillinga og ég sjálf er (og hógvær) efast ég um að aðferðin skili meiri ánægju en oldskúlnálgunin.

3. apríl 2006 kl. 17:11 GMT | #

Már svarar:

Ég fékk ekki séð neinn mun á því að þrýsta grjónunum í plastskeiðina og því að klessa þeim í lófann á sér, nema að þau losna (með smá banki) mjög hreinlega úr skeiðinni.

Bitana þurfti ekki að "laga til" úr mótinu, nema ef mann hefði langað til að gera lögun þeirra einhvern veginn frábrugðna lögun mótsins. Ef maður sættir sig við lögun mótsins, þá fær maður mjög áferðarfalleg grjón sem halda vel lögun sinni og performera mjög vel sem grunnur undir alls kyns spennandi og fallegt álegg.

...en að sjálfssögðu mundi alvöru sushi-pedant aldrei láta standa sig að því að nota svona barbarabrellur. :-)

3. apríl 2006 kl. 18:51 GMT | #

Unnur María svarar:

Ég hef að sjálfsögðu aldrei prófað formmótun sushi bita en málið er bara að mér finnst Nings sushið einmitt vont vegna þess að þar hefur grjónunum verið þrýst of fast saman. Og þeir bitar eru einmitt grunsamlega einsleitir í laginu.

Þetta með að halda að það þurfi að laga bitana er bara ágiskun hjá mér. Ég hef aldrei reynt að forma grjón í móti. En ég hef reynt að nota mót til að búa til grænmetisturna og eitthvað sjitt og lærdómurinn af því er einfaldlega sá að maður endar alltaf á því að þurfa eitthvað að fikta í dótinu til að það líti út eins og í matreiðslubókunum. Þetta fellur eflaust undir eitthvað eðlisfræðilögmál eins og þetta með sultubrauðið sem dettur á gólfið. :)

Reyndar klessi ég svo grjónunum ekki í lófann á mér. Mér finnst mjög mikilvægt að forma þau mjög varlega ;)

4. apríl 2006 kl. 11:39 GMT | #

Már svarar:

LOL :-)

Svakalega er mig farið að langa að búa til (les. borða) sushi aftur. Verst hvað laugardagar (sá tími sem hentar mér best í svona föndurmatreiðslu) eru lélegir sushi dagar upp á aðgengi að ferskum fiski að gera.

4. apríl 2006 kl. 12:26 GMT | #

Unnur María svarar:

Fylgifiskar á Suðurlandsbraut eru opnir til klukkan 14 á laugardögum og eru langbesta fiskbúðin hvað sushi varðar að mínu mati. Þeir skera og snyrta og velja stykki fyrir mann eins og ekkert sé. Svo er krabbasallatið þeirra svo lekkert að setja inn í rúllur að það er makalaust! :)

4. apríl 2006 kl. 20:44 GMT | #

Már svarar:

Amm, ég ætla að kíkja til þeirra næst og sjá hvort þeir eigi eitthvað alveg ferskt.

4. apríl 2006 kl. 20:55 GMT | #

kiza svarar:

Sei,sei.... hér á Hornafirði höfum við Zato nokkuð greiðan aðgang að fersku sjávarfangi beint frá sjóaranum.... en til að geta gert sushi þarf maður að hafa verið forsjáll og verslað slík gerðarefni í síðustu Reykjavíkurferð.

5. apríl 2006 kl. 19:27 GMT | #

Jenný svarar:

Shitt marr.. rólegur í föndrinu!! Ég smakkaði sushi í virðulegu út að borða dæmi um daginn og mátti hafa mig alla við að ... tja æla hreinlega ekki... fel mig héðan í frá bakvið það að vera SUPERTASTER... jakk jakk sushi...

5. apríl 2006 kl. 22:27 GMT | #

Erla Hlyns svarar:

Mér finnst þetta rosa sniðugt! Það sem mér hefur reynst erfiðast við sushi-gerð er einmitt að ná þessum bitum eins.

En seisei, ég verð aldeilis fúl ef Maru er með sushigerðarvél :/ Almenningur má nota hjálpartæki en ekki matreiðslumeistararnir.

9. apríl 2006 kl. 17:59 GMT | #

Gunnar svarar:

Því miður er standardinn á íslenskum veitingastöðum hvað varðar sushi skammarlega lágur. Ég veit ekki með Maru en Sushi the train er með vél sem býr til nigiri hrísgrjónaklumpana, ég veit ekki hvort hún bæði sýður þá og mótar en þeir koma allavega mótaðir útúr henni.

Ég hef ekki fengið háklassa sushi á Íslandi síðan Tveir fiskar voru sushi staður, því miður. Hef fengið þokkalegt á Maru en líka sushi sem var varla sushi. Fer ekki þangað aftur, dýrar happa og glappa heimsóknir á veitingahús eru ekki í uppáhaldi.

Ég held að það sé alveg ljóst að háklassa sushi fær maður aldrei úr vél því mín reynsla er sú að ást og alúð sé stór hluti af góðu sushi. Það breytir því ekki að mér finnst ekkert að því að menn noti hjálpartæki þó að mér finnist sjálfum bara alls ekki leiðinlegt að móta hrísgrjónin, það tekur bara tíma.

Og Már, mín reynsla er sú að þú getur alveg keypt eitthvað af fiskinum daginn áður og geymt innst í ísskápnum, alveg við elementið og það bragðast mjög vel daginn eftir, það er þó ekki sama hvaða fiskur það er. Túnfiskurinn sem er seldur á .is í dag er óreyktur og þolir illa geymslu ófrosinn, þeir bönnuðu þann léttreykta vegna þess að það var töluvert minna af krabbameinsvaldandi efnum í honum en hangikjöti ;>

En hvíti fiskurinn er alveg seif (ef hann er nýr þegar hann er keyptur) og það er síðan ekkert að því að nota frosna risahörpuskel og rækjur, það er bara það sama og veitingastaðirnir gera, þeir eru sjaldnast með ferskan fisk í sushi (ferskur í merkingunni ófrystur).

Búinn að komast að þeirri niðurstöðu fyrir löngu að skársta sushiið á Íslandi gerir maður sjálfur.

10. apríl 2006 kl. 10:40 GMT | #