Tossalisti lasna mannsins

Skrifað 11. mars 2006, kl. 18:00

• Fá háan hita.
• Fá skjálftaköst.
• Gubba.
  • ...og fá dökk-rauða díla út um allt andlit, háls og niður á bringu.
• Fá beinverki:
  • í fótleggi
  • í bak
  • í andlit
  • í handleggi/hendur.
• Verða ljósfælinn.
• Fá munnangur.
• Verða gegndrepa af svita.
• Fá bólgna og útgrafna hálskirtla.
• Missa matarlystina.
• Fá eyrnabólgu:
  • vinstri
  • hægri
• Fá verki í augun.
• Svima.
• Fá vöðvabólgu:
  • í mjóbak.
  • í háls og hnakka.
• Fá sáran varaþurrk.
• Skjálfa og svitna til skiptis.
• Missa 1-2 kíló.
• Hósta upp slímkögglum.
• Stífla nefið
• Fá óstöðvandi nefrennsli
  • og grænt slím.
• Finna sáran sting fyrir bjóstholinu.
• Fá pípandi niðurgang.

Með mikilli eljusemi og með því að setja skýr 18 klst. tímatakmörk á hvert einkenni, þá tókst mér að afkasta þessu öllu á þremur og hálfum sólarhring - frá þriðjudagskvöldi fram á laugardags morgun.

Svona á að verða veikur sko!

P.S. Stína og Garpur sáu svo um að klára fyrir mig þau atriði sem eru eftir á listanum, en þau lágu bæði sárlasin líka.

Þegar allt er talið þá held ég að það eina sem við eigum eftir sé niðurgangurinn.

Við erum ekki búinn að gera nein plön fyrir kvöldið, þannig að það er aldrei að vita...

P.P.S. Við þökkum Ingu (m)ömmu fyrir að hafa verið tengiliður okkar við umheiminn, og haldið okkur heilum á geði.