Færslur mánudaginn 5. desember 2005

Kl. 23:01: Einfaldur farsími 

Mig langar í Vodafone Simply síma. Sem notendaviðmótshönnuður og sérlegur áhugamaður um þjála og nytsamlega tækni, þá finnst mér að mér beri fagleg skylda til að eiga svona græju.

Eiginlega það eina sem stöðvar mig er að hann er harðlæstur inn á Vodafone símkort sem mér finnst alveg óþolandi dónaskapur. Ég er dyggur viðskiptavinur Tals/Íslandssíma/Vodafone til margra ára, og er alveg tilbúinn að borga aukalega fyrir ólæstan svona síma.

Mér finnst kúkalegt af Vodafone að vilja ekki leyfa mér að nota símtækið mitt með öðrum símfyrirtækjum í neyð. Hins vegar dauðlangar mig í svona einfaldaða símgræju með engum óþarfa fítusum.

Hvað gera bændur nú?

Uppfært: Jibbí! Stína sæta gaf mér VS2 týpuna í jólagjöf og fékk að eiga gamla símann minn í staðinn. Við erum bæði kát - sérstaklega ég! :-)

Svör frá lesendum (13) | Varanleg slóð