![[Passamynd]](/files/2003/05/mar.gif)
Már ÖrlygssonAð henda reiður á pappírum - Noguchi aðferðin
Heimilisbókhald, gömul skjöl, umsóknir, flugmiðar, vegabréf, afsláttarkort, leiðarvísar, ábyrgðarskírteini, o.fl. Þrátt fyrir ítrekaðar tilraunir hefur okkur aldrei gengið sem skyldi að hafa reglu á svona pappírsdóti hérna heimavið. Allt út um allt, meira og minna týnt.
Um daginn rakst ég hins vegar á síðu sem segir frá Noguchi kerfinu, sem er japönsk skjalaflokkunaraðferð sem er svo yndislega einföld að hún gæti hreinlega virkað fyrir mig og mína:
All documents, regardless of their class, level of importance, or perceived chance of being required at a later date are stored in A4-sized envelopes, which have the flaps cut off.
[...] Absolutely no "classification" of documents is attempted. The color coding is optional.
[...] New documents (envelopes) are added at the left end of the [shelf] and whenever a document is used [...], it is returned to the left end of the bookshelf.
-- William Lise, The Noguchi Filing System
Í Classify or Not? Parallel Treatment of Analog and Digital Information bendir Michel Mohr á tengslin milli Noguchi kerfisins og stafrænna skjalaflokkunarkerfa.
Einnig er athyglivert að skoða notendaviðmót Gmail póstforritsins í þessu ljósi, og nýjustu strauma og stefnur í bókamerkjasöfnun (Del.icio.us og Spurl.net t.d.) - ekki síst þeim þáttum sem snúa að óformlegri hraðflokkun ("tagging") á skjölum og vefvísunum.
Ég er búinn að kaupa pakka með 100 brúnum umslögum (25x35cm) og byrjaður að setja dót ofan í þau og upp í hillu.
Meira þessu líkt: Nothæfni.
Svör frá lesendum (10)
Jenný svarar:
Humm... leyfi mér að efast um hve gott þetta kerfi er... fyrir nú utan hvað það mun safnast upp mikið af drasli!! Á mínu heimili eigum við samt við sama vandamál að stríða, held samt að möppur séu frekar málið.. og henda gömlu flugmiðunum nema þú ætlir að fara að skrappa;)
11. október 2005 kl. 10:48 GMT | #
Már svarar:
Mismunandi kerfi henta mismunandi fólki.
...en að henda hlutum er mjög stór partur í þessu kerfi, og "öllu staflað inn frá vinstri" aðferðin auðveldar stórlega að ákveða hverju má henda og hvað er raunverulega í notkun.
Þótt gamla góða möppukerfið henti mörgum vel, þá hefur það samt þennan ókost:
...sem fólki reynist misauðvelt að yfirstíga.
Engin flokkunaraðferð fullkomin, maður þarf bara að velja á milli þeirra eftir því hversu vel þær spila með geðveikinni manns. :-)
11. október 2005 kl. 11:48 GMT | #
Tóró svarar:
Áhugavert. Mér hefur einmitt gengið illa að finna skipulagskerfi sem hentar minni geðveiki.
Einna langlífast hefur verið "kassinn-sem-allt-fer-í" hvurs innihaldi er raðað inn í möppur á allra síðasta degi fyrir skattskil. Ekki endilega kerfi sem ég mæli með...
Svo held ég að það sé miklu tilkomumeira að stafla pappírunum upp svona á rönd heldur en í hafa dótið í bunkum - ég get ímyndað mér að það virki meira eins og maður hafi stjórn á hlutunum (a.m.k. fyrir gesti :)
11. október 2005 kl. 13:18 GMT | #
Magga Leóp. svarar:
Gríðarlega spennandi umræðuefni. Í alvöru. Ég hef mikið pælt í þessu. Ég er flokkunar óð en samt hef ég átt við sama vanda glíma og Már lýsir. Hlakka til að heyra hvernig kerfið virkar hjá þér Már. Möppur hafa ekki virkað fyrir mig en ég fékk mér skjalaskáp og hann er deffinettlí nýja ástin í lífi mínu. Bara opna skúffu og stinga skjalinu á réttan stað, ekkert að gata. Noguchi kerfið hefur samt mikinn sjarma. Spennandi.
11. október 2005 kl. 14:48 GMT | #
Már svarar:
Það má vel nota Noguchi með skjalaskápum. Þú bara setur skjalið á "réttan stað", og rétti staðurinn er alltaf fremst í efstu skúffunni.
Um leið og hún fyllist, þá færir þú öftustu skjölin úr henni fremst í skúffuna fyrir neðan - og svo koll af kolli.
Í neðstu skúffunum má svo geyma flokkað safn af "holy files".
Hmmm... núna langar mig í skjalaskáp!
:-)
11. október 2005 kl. 16:53 GMT | #
Magga Leóp. svarar:
Snjallræði (",)
11. október 2005 kl. 17:16 GMT | #
Már svarar:
Dæmi um nokkur umslög sem eru komin í hilluna heima:
Tegundir af umslögum sem eiga eftir að bætast við (um leið og ég finn viðkomandi pappíra):
Svo á ég ábyggilega eftir að fá mér litaða límmiða/límbönd til að kóða einstaka umslög.
11. október 2005 kl. 18:32 GMT | #
Magga Leóp. svarar:
Ohh.. ég fæ andlega fullnægingu á að lesa þetta :o)
11. október 2005 kl. 19:58 GMT | #
Gunnar svarar:
Henda? Skjölum? Talandi um geðveiki!
11. október 2005 kl. 23:26 GMT | #
Jói svarar:
Mér sýnist þetta vera afbrigði af hinu vinsæla "staflakerfi" sem er algengt að sjá á flestum skrifstofum. Staflakerfið er hins vegar ekki eins stabílt og þetta sem þú lýsir, minna fault tolerance og redundancy, svo hilluútfærslan er greinilega betri.
12. október 2005 kl. 01:41 GMT | #