Launarmunur kynjanna - tölfræðin

= Y = svarar:

Tölfræði og staðreyndaklám er næst stærsti internetiðnaðurinn á eftir raunverulega kláminu. En ekki kann ég að útlista rétt og rangt í þessu frekar en nokkru öðru sem máli skiptir.

6. október 2005 kl. 00:23 GMT | #

Stefan svarar:

Nú man ég ekki alveg hver sagði "Það er til þrenns kona lýgi: lýgi, helvítis lýgi og tölfræði". Ég held að það sem gleymist oft í þessari umræðu sé að skoða vinnuframlag á móti launum og hvort það útskýrir að einhverjum hluta launamun, sem ég held að sé til staðar.

Nú er oft talað um launamun undir merkjunum "sömu laun fyrir sömu vinnu" sem er ein leið til að hugsa um launamun en menn vilja ekki trúa að hann sé til staðar þá ætti það að vera forvitnileg æfinga að skoða launamun kynjanna byggða á starfsstöð og stöðu. Ég á við að ótrúlegur meirihluti stjórnenda í íslenskum fyrirtækjum og stofnunum eru karlmenn og sem slíkir þá hafa þeir hærri laun. ég man ekki eftir að hafa skoðað "heildartekjur kvenna á móti heildartekjum karla" fyrir t.d. 1000 manna úrtak. Ég held að það væri mjög forvitnilegt að sjá útkomuna úr því.

Hvað sem öllu líður er það mín skoðun að það sé forheimska að umbuna fyrir vinnuframlag byggt á kynferði frekar en frammistöðu.

kveðja, -Ste

6. október 2005 kl. 21:35 GMT | #

Magga Leóp. svarar:

Jú jú strákar það hefur líka komið fram hver munurinn er á heildartekjum kvenna og karla. Ég man ekki töluna en hún er yfir 20 prósent en ef leiðrétt er fyrir vinnuframlag að baki laununum þá er munurinn samt yfir 10 prósent, 14 að mig minni. Rétt er að tölfræði getur aldrei sannað neitt. Það er ekkert til sem heitir tölfræðilega sannað. Hinsvegar eru rannsóknir misgóðar og fara misnærri sannleikanum. Þar skiptir máli hvert "powerið" er (því stærra úrtak því betra sérstaklega ef svarhlutfall er hátt). Svo þarf p gildið að vera minna en o.o5 til að munurinn sé marktækur. Mér finnst ekki rétt að strika bara yfir tölfræði sem eitthvað gabb. Réttara er að læra tölfræðina og vera þannig fær um að meta sjálfur hvað er góð rannsókn og hvað ekki. Það verður hinsvegar að viðurkennast að fjölmiðlar láta mann yfirleitt ekki fá þær upplýsingar sem til þarf til að meta mátt þeirra upplýsinga sem þeir vilja sýna manni. Eitt að lokum. Auðvita er það ákveðinn mælikvarði á misrétti kynjanna að karlar vinna meira en konur. Því það er ekki samasem merki milli þess að konur vinni minna og að þær vilji það. Margar konur vilja vinna meira en fá það ekki. Margar konur taka meiri ábyrgð á heimilinu og verða þess vega að vinna minna. Er það réttlátt. Við þær aðstæður safnar karlinn í feitan lífeyrirssjóð en konan ekki.

8. október 2005 kl. 11:58 GMT | #

Már svarar:

Auðvitað er það ákveðinn mælikvarði á misrétti kynjanna að karlar vinna meira en konur.

Já góður punktur! Í hinni almennu baráttu launafólks fyrir styttri vinnuviku, þá hallar mjög á karlmenn.

8. október 2005 kl. 12:45 GMT | #

Magga Leóp. svarar:

Einn fræðslu moli í viðbót. Það er almennt ekki hægt að tala um meðaltals laun. Meðatöl gilda bara um þýði sem er meðal dreift og laun eru það ekki nema kanski á Kúbu. Miðgildi segir meira en meðaltal þegar talað er um laun. Miðgildi þýðir að það eru jafn margir með laun fyrir ofan miðgildið og þeir sem eru fyrir neðan miðgildið. Réttast er samt að mæla launamun með svokölluðu Gini gildi. Því hærra gildi því meiri launamunur. Í dag er Gini gildi á Íslandi 31 sem er miklu meira en á hinum Norðurlöndunum og eftir skattalækkanir ríkisstjórnarinnar mun Gini gildið fara hættulega nærri 40 sem einmitt er Gini gildi í Bandaríkjunum í dag. Er það það sem við viljum? Í Bandaríkjunum er misskiptingin augljós. Ungbarnadauði þar er t.d. langt um meiri en í nokkurri annarri vestrænni þjóð. Sjá meira um það: http://en.wikipedia.org/wiki/Gini_coefficient

8. október 2005 kl. 15:49 GMT | #

Kristrún svarar:

humm ég heyrði því fleygt að konur fengu ekki nema 64,5% af launum karla fyrir jafnmikið vinnuframlag. Það er þess vegna sem konur eru hvattar til að leggja niður vinnu eftir 5 tíma vinnuframlag 24.október næstkomandi því þá séu þær búnar að vinna fyrir laununum sínum. Það er 14:08 skilst mér. Og viti þið hvað vinnan mín stefnir á að loka kl. 13:00 þennan dag, og stefna allar á kröfugöngu frá Ingólfstorgi klukkan 15:00 og ég ætla að verða með mikin hávaða ásamt fleirri konum. Svo er Útifundur klukkan 16:00 á Ingólfstorgi. Þar sem ég stend og tala frammi fyrir öllum og held ræðu :) áfram ég.... Strákar standið nú með konum ykkar og styðjið þær í baráttu sinni. Sérstaklega þær sem vinna á leikskóla eins og ég ;). Tækifæri án hindrana er framtíðin.

10. október 2005 kl. 19:53 GMT | #

Már svarar:

Kristrún. Já þessi 64% tölfræði er líklega hlutfall meðallauna kvenna af meðallaunum karla. (Öðrum til útskýringar, þá kemur þessi mikli launamunur til vegna launamismunar milli "dæmigerðra kvennastarfa" og "dæmigerðra karlastarfa".)

Fiskvinnslufólk gæti t.d. tekið sig saman einhvern daginn og ákveðið að hætta að vinna á hádegi einhvern daginn, því þeirra laun eru nokkuð örugglega meira en 20% undir meðallaunum í landinu.

Sama gildir um ræstingafólk , leikskólakennara, og fleiri stéttir sem vinna erfiða og mikilvæga vinnu fyrir smánarleg laun.

10. október 2005 kl. 22:34 GMT | #

Már svarar:

En já, ég mun líklega kíkja í bæinn og sjá þig. Ég styð alla baráttu fyrir minni launamun, því eins og Magga bendir svo réttilega á hér að ofan þá getur of mikill munur á meðallaunum og miðgildi launa verið stórhættulegur velferð samfélagsins.

10. október 2005 kl. 22:46 GMT | #