Færslur miðvikudaginn 31. ágúst 2005

Kl. 04:50: Finning. 

Mér líður furðulega.
Það er eins og mig svimi.
Eins og ég sé kominn úr kafi,
og hafi
haldið niðrí mér andanum
langa lengi.

Ég nenn'ekk'að sofa.

Sendu þitt svar | Varanleg slóð

Kl. 04:37: Ég velti fyrir mér... 

• hvað varð um einn þriðja af sumrinu.
• hversu margir hafi náð dægurlagavísuninni í síðustu færslu.
• hvað ég á að gera við mig í nokkurra daga logni eftir langvinnan vinnubyl.
• hvað góðir vinnufélagar eru mikið gull.
• hvernig tvær síðustu færslur sýna á hráan hátt sveiflurnar í tilfinningalífinu.
• hvað góð tónlist getur gefið manni mikinn styrk og ánægju.
• hvernig aldurinn kennir manni að meta það að eiga góða fjölskyldu ("warts and all").
• hvort ókunnugir lesendur lesi eitthvað krassandi í svigann í síðustu setningu.
• hvað "warts and all" viðhorfið er tiltölulega nýtilkomið hjá mér - hluti af þessu æðislega æðruleysi og lífsfyllingu sem aldurinn virðist færa manni - í smáskömmtum.

Svör frá lesendum (1) | Varanleg slóð