![[Passamynd]](/files/2003/05/mar.gif)
Már ÖrlygssonAð flokka ljósmyndir
Ég er að leita að forriti sem hjálpar mér að flokka stóra ljósmyndasafnið mitt og ég er tilbúinn að borga sanngjarnan pening fyrir rétta forritið.
Forritið þarf að:
- Vista leitarorðin sem ég slæ inn í EXIF/IPTC hluta hverrar ljósmyndar fyrir sig, svo gögnin tapist ekki þegar ég...
- skipti um forrit.
- afrita/færi skrárnar.
- Gera auðvelt að tengja stóran hóp ljósmynda við eitt eða fleiri leitarorð með einni aðgerð.
- Vera þjált í notkun.
- Þá væri kostur að forritið leyfði mér að leita að myndum eftir leitarorðum, þó það sé ekki frumskilyrði.
Ég hef skoðað nokkur forrit sem öll eiga það sameiginlegt að uppfylla ekki þessar kröfur mínar. Dæmi:
- Picasa er sætt og þjált í notkun en vistar upplýsingarnar sem ég skrái um myndirnar í eigin gagnagrunni og skrifar
ekkertengin leitarorð út í myndaskrárnar sjálfar. - ACDSee er öflugt og sæmilega þjált í notkun og skrifar allar breytingar á lýsigögnum beint í myndaskrárnar sjálfar - nema leitarorðin.
- Exifer er stillt og gott forrit sem skrifar allar flokkunarupplýsingar í skrárnar sjálfar, en er þungt í keyrslu og óþjált í notkun.
Það sem ég er að leita að er í raun nokkurs konar sambland af Winamp Music Library (eða iTunes Music Library) og ljósmyndavefnum Flickr (eða del.icio.us bókamerkjavélinni). Winamp og iTunes hjálpa mér að uppfæra ID-gögnin í hljóðskránum mínum, og Flickr og Del.icio.us leyfa auðvelda flokkun með leitarorðum (tagging).
(P.S. Ég hef notað Exifer til að leiðrétta EXIF tíma-/dagsetningu á mörgum ljósmyndum í einu, t.d. þegar klukkan í myndavélinni hefur af einhverjum ástæðum núllstillst án minnar vitundar. Exifer er frábært í það verkefni!)
Svör frá lesendum (16)
Arnþór Snær svarar:
Ég hef ekki prufað það sjálfur en Fotostation er víst eitthvað notað í auglýsingabransanum hérlendis. Að minnsta kosti tala þeir um "advanced IPTC editing"
Spurning hvort að það sé ekki of dýrt.
15. júní 2005 kl. 08:33 GMT | #
Gunnar svarar:
Takk fyrir að benda á Exifer, mig vantar þennan fídus. Veit ekki hvort Adobe Photoshop Album skrifar beint í myndaskrárnar en mér líkar það afskaplega vel til að skoða og flokka myndir. Láttu okkur endilega vita hér ef þú finnur draumaforritið :)
15. júní 2005 kl. 08:41 GMT | #
Valdís svarar:
Ef þú værir með makka þá myndi ég að sjálfsögðu mæla með iPhoto en því miður hefur það ekki verið gefið út fyrir pésa... annars veit ég ekki hvort það skrifar leitarorðin í myndaskrárnar sjálfar eða hvort það geymir allar upplýsingar í eigin skrá.
15. júní 2005 kl. 08:49 GMT | #
Már svarar:
Fotostation lítur á yfirborðinu ekkert svakalega spennandi út fyrir mig. Hins vegar prófaði ég að Googla meira eftir "Adobe Photoshop Album" og rakst þá á fróðlega bloggfærslu hjá manni sem heitir Olivier Travers. Þaðan rambaði ég á BrilliantPhoto sem er lítið 27 dollara forrit sem virðist gera allt sem mig vantar. Ég ætla að prófa að setja það upp og læt svo vita hvernig fer.
15. júní 2005 kl. 18:17 GMT | #
Jósi svarar:
iPhoto geymir upplýsingarnar í sérgagnagrunni til að flýta fyrir leit, en það eru til þægileg script sem geta afritað iPhoto comment í EXIF headera. Már ætti að prófa leitarfídusana í iPhoto, þetta er það langsprækasta sem ég hef séð...
15. júní 2005 kl. 19:07 GMT | #
Tryggvi R. Jónsson svarar:
Jósi, það væri nú ljúft að sjá link í þetta þægilega script ;)
15. júní 2005 kl. 20:52 GMT | #
Birgir Baldursson svarar:
Gæti þetta verið málið? Kosturinn við þetta forrit umfram BrilliantPhoto sýndist mér á sínum tím liggja í því að hægt er að færa söfnin sín yfir á geisladiska en gagnagrunnurinn heldur eftir þömbs og leitarorðum. Þeir notuðu þetta forrit á DV þegar ég vann þar fyrir 6 árum.
15. júní 2005 kl. 21:51 GMT | #
Már svarar:
Birgir: BR-Software segir: , sem gengur þvert á 1. skilyrðið sem ég setti. Ég vil að forritið uppfæri myndaskrárnar mínar. :-)
Ég er búinn að prófa BrilliantPhoto dálítið. Það uppfyllir í fljótu bragði öll skilyrðin sem ég setti, en ég á að vísu enn þá eftir að sjá hvernig það höndlar 30 þúsund + skráa myndasafn og hundruðir mismunandi leitarorða/mannanafna/staða.
15. júní 2005 kl. 22:32 GMT | #
Hrafnkell svarar:
síðast þegar ég prófaði picasa setti það upplýsingar í exif headerinn.
15. júní 2005 kl. 23:21 GMT | #
Már Örlygsson: BrilliantPhotos - good for tagging digital photographs
16. júní 2005 kl. 00:14 GMT | #
Már svarar:
Hrafnkell, það er að vísu rétt ... en aðeins upp að vissu marki þó. Eftir því sem ég best sá styður Picasa bara EXIF hausa - en ekki IPTC. Vandamálið er að áhugaverðir hlutir eins og "Keywords" eru ekki hluti af EXIF heldur af IPTC staðlinum, þannig að Picasa skrifar engar "labels/tags/keywords" upplýsingar í skrána. Bara "caption" textalýsinguna.
Það voru klaufa mistök hjá mér að skrifa að Picasa skrifaði "ekkert" út í skrána sjálfa. Það sem ég ætlaði að segja var "engin leitarorð" - það leiðréttist hér með.
16. júní 2005 kl. 00:23 GMT | #
Jósi svarar:
Tryggvi: t.d. http://6v8.gamboni.org/IPhoto-comments-to-EXIF.html
16. júní 2005 kl. 11:05 GMT | #
JNormann svarar:
Ég hef notað iMatch (http://www.photools.com/) í tvö ár núna og gef því mín bestu meðmæli. Það býður upp á allt sem þú ert að leita að og margt fleira í gegnum skriptur. Menn geta svo skrifað nýjar skriptur eftir þörfum.
17. júní 2005 kl. 19:58 GMT | #
Már svarar:
Takk JNormann! Ég ætla að prófa iMatch í hvelli og bera það saman við BrilliantPhoto.
18. júní 2005 kl. 20:31 GMT | #
Már svarar:
hmm... ca. 12 klst. síðar (ekki taka mark á tímasetningunni á kommenti nr. 14, það lenti í spamgildru).
Ég er búinn að prófa iMatch. Þetta er vissulega feiki öflugt forrit, en það feilar algjörlega "Mundi konan mína nota það?" prófinu. Of flókið og óþjált í notkun - a.m.k. í samanburði við BrilliantPhoto. Og ef ég á annað borð kaupi BP, og nota Exifer sem er ókeypis, þá sýnist mér að ég sé kominn með 90-100% af þeim eiginleikum iMatch sem ég mun nokkurn tíman nota.
Á USD59 er iMatch er samt klárlega mjög gott value-for-money.
18. júní 2005 kl. 20:41 GMT | #
JNormann svarar:
Já ég var í smá tíma að átta mig á þessu, en trúðu mér, konan var sneggri að átta sig á þessu. T.d. er hún sérfræðingur að búa til instant myndavefsíður með description textanum sem myndatexta. Þetta er græja sem hefur allt, gallinn er svo sá að fæstir þurfa þetta allt og það þvælist fyrir þeim.
19. júní 2005 kl. 00:06 GMT | #