Færslur mánudaginn 6. júní 2005

Kl. 22:26: Að af-fokka Google stillingarnar 

Um daginn var ég kvikindi og bjó til hrekkjavísun á síðuna hjá Google.com, sem gerði það að verkum að allir sem smelltu fengu sjálfkrafa kolbilaðar leitarstillingar. Kjarninn í færslunni átti að vera hvað Google eru miklir slóðar að skilja svona hrekkjaleiðir eftir galopnar.

Svo gleymdi ég alveg að blogga aftur og leiðrétta stillingarnar, og fattaði það ekki fyrr en í gærkvöldi þegar Stína mín spurði mig hvort ég vissi hvers vegna Google gæfi henni bara eina leitarniðurstöðu, sama hvaða leitarorð hún slægi inn. Arg! Úbs!

Allir sem hata mig fyrir þennan hrekk smelli hér. Þessi hlekkur lagar allt: setur Ensku sem sjálfgefið tungumál, leitar að síðum á öllum tungumálum, birtir 20 niðurstöður per síðu, slekkur á "Safe Search"o.s.frv.

Annars má líka alltaf laga þessa hluti með því að fara á stillingasíðuna hjá Google, eða með því að eyða öllum smákökum úr vafranum sínum.

Svör frá lesendum (7) | Varanleg slóð

Kl. 22:08: Kárahnjúkavandinn 

Kárahnjúkavandinn er gott hugtak sem fólkið á Múrnum kom í umferð á nýliðnu vori. Þessar Múr-greinar eru ágætar:

• Hugtakið "Kárahnjúkavandinn" skilgreint
• Kárahnjúkavandinn breiðist út
• Viðbrögð stóryrðju- og mengunarráðherra: "Tjón er gott"

Hugtakið lýsir ágætlega áhrifum "pissa-í-skóinn-sinn byggðastefnu" núsitjandi ríkisstjórnar, en þau eru í grófum dráttum þessi:

1. Niðurgreiða risastórt þungaiðnaðarverkefni út á landi með það að yfirskini að skapa ný störf á landsbyggðinni.
2. Þessi risastóra gerfi-innspýting í hagkerfið heftir aðrar smærri og arðbærari framkvæmdir og gengi krónunnar rýkur upp úr öllu valdi.
3. Tugir eða hundruðir starfa tapast úr landi og útflutningsfyrirtæki draga saman seglin eða fara á hausinn - í flestum tilfellum á landsbyggðinni.

(Sjá einnig blogg hjá Svavari)

Sendu þitt svar | Varanleg slóð