![[Passamynd]](/files/2003/05/mar.gif)
Már ÖrlygssonTil nafnlausa aumingjans
Einhver nafnlaus heigull sendi mér vísun á illa skrifaða Mbl frétt um að (gisp!) öryggishola hefði fundist í Firefox vafranum. Tilvísuninni fylgdu þessi vinalegu skilaboð:
"Hahahaha."
Af þessu tilefni vil ég benda litla nafnleysingjanum (og vélritunarþrælnum á Mbl) á þessa áhugaverðu síðu sem tilgreinir allar þekktar öryggisholur í Firefox, Mozilla og Thunderbird og til greinir hverjar þeirra hafa verið lagaðar.
Svör frá lesendum (7)
Gunnar svarar:
Illa skrifuð frétt með óskiljanlegum leiðbeiningum um hvernig eigi að laga, engin vísun á síðu með skiljanlegum leiðbeiningum. Súr ber :)
10. maí 2005 kl. 12:30 GMT | #
Tryggvi R. Jónsson svarar:
Eins og svo margt sem birtist í þessum flokki á mbl.is ;)
10. maí 2005 kl. 12:50 GMT | #
SiggiSveinn svarar:
Eftir að hafa fylgt linknum neðst í fréttinni yfir á www.bbc.co.uk og leitað þar að "firefox" kemur í ljós að þetta er ekki illa skrifuð frétt, þetta er illa þýdd frétt.
10. maí 2005 kl. 13:35 GMT | #
Már svarar:
Eins og ég sagði þá er þetta "illa skrifuð Mbl frétt".
10. maí 2005 kl. 17:31 GMT | #
Borgar svarar:
Mér er fyrirmunað að skilja hvers vegna fólk lætur svona þegar einhverjir smávægilegir gallar finnast í Firefox? Ekki hrópar fólk þegar villur finnast í Opera? eða Konqueror?
Það sem ég held að fólk geri sér ekki fullkomlega grein fyrir er að þessi hugbúnaður er þróaður af sjálfboðaliðum og hann er gefinn... ábyrgðarlaust!
Það er enginn sem tekur ábyrgð á því að Firefox geri það sem hann segist ætla að gera. Það er enginn sem lofar neinu um neitt varðandi þennan vafra. Notendur hafa enga kröfu um neina þjónustu. Það er nú bara þannig að þeir fá hana þó.
Samt þarf alltaf einhver að vera benda á gallana í þessu. Er þetta ekki bara birtingarmynd einhverra annarra vandamála?
12. maí 2005 kl. 11:04 GMT | #
Már svarar:
Borgar, það sem þú segir er alveg rétt, en eins og þú setur þetta fram þá hljómar eins og þú hafir enga trú á gæðum og öryggi opins/frjáls hugbúnaðar.
Ég trúi því að vel skrifaður opinn hugbúnaður sé að minnsta kosti jafn öruggur, og yfirleitt öruggari en vel skrifaður lokaður (hefðbundinn) hugbúnaður. Það sem fæst fjölmiðlafólk fattar hins vegar er að það liggur í eðli opins hugbúnaðar að allar öryggisholur sem finnast, sama hversu litlar þær eru, eru samstundis gerðar opinberar og meðhöndlaðar sem forritunarvandamál, á meðan öryggisholur í lokuðum hugbúnaði eru yfirleitt meðhöndlaðar sem almannatengslavandamál eða jafnvel viðskiptaleyndarmál.
Reyndin er samt sú að enginn hugbúnaður er fullkomlega villufrír, og engin stór og flókin forrit eru fullkomlega laus við öryggisholur. Það eru því í raun ekki fréttnæmt í sjálfu sér að það hafi fundist eitt stykki öryggishola í Firefox. Nær væri að spyrja: Hvernig bregðast forritararnir við? Hversu algengt er að svona holur finnist í þessu forriti? Eru einhver dæmi um að þessar öryggisholur hafi verið nýttar í glæpsamlegum tilgangi? o.s.frv.
Nær alger skortur íslensks fjölmiðlafólks (núna nýverið á Mbl. og Fréttablaðinu) á þessum þáttum málsins sem pirrar mig. ...Það og að á því herrans ári 2005, kunni blaðamenn stærsta netfjölmiðils landsins ennþá ekki að nota tilvísanir (linka).
12. maí 2005 kl. 21:35 GMT | #
Borgar svarar:
Já, það má vera að ég hljómi kannski svoldið svartsýnn. Þetta er ekki þannig meint. Ég hef, svo það komi fram, óbilandi trú á opnum/frjálsum hugbúnaði, nota hann daglega og þróa í frítíma mínum. (Firefox best satt!!)
Ég er svoldið að nota vefinn þinn til þess að ergja mig á þessum kjánaskap. Ég hef sjálfur þurft að gapa yfir svona vitleysisgangi í fólki. Kannski væri minn eigin vefur betri vettvangur fyrir þetta röfl. Þú afsakar.
Ég tek annars heils hugar undir þessi síðustu ummæli nema hvað ég veit ekki hvað stærsti netfjölmiðill landsins gerir því að ég les hann ekki. ;-)
13. maí 2005 kl. 17:02 GMT | #