Einhver nafnlaus heigull sendi mér vísun á illa skrifaða Mbl frétt um að (gisp!) öryggishola hefði fundist í Firefox vafranum. Tilvísuninni fylgdu þessi vinalegu skilaboð:
"Hahahaha."
Af þessu tilefni vil ég benda litla nafnleysingjanum (og vélritunarþrælnum á Mbl) á þessa áhugaverðu síðu sem tilgreinir allar þekktar öryggisholur í Firefox, Mozilla og Thunderbird og til greinir hverjar þeirra hafa verið lagaðar.
Norski vafrinn Opera 8.0 býður upp á einfalda raddstýringu og upplestur á vefsíðum. Lesröddin er skýr skýr og les Ensku bara þó nokkuð vel. Hins vegar virðist Operan býsna treg til að lesa síður sem eru markaðar sem önnur tungumál.
Þessari virkni í Opera virðist hins vegar ekki ætlað að þjóna þeim sem eru blindir, því lesvélin lætur ekkert vita um hvað eru tilvísanir á aðrar síður, hvað eru myndir, hvaða málsgreinar eru stök í númeruðum lista, eða hvað eru tilvitnanir... Lesvirknin er aðallega "sniðug".
Seinnipartinn í dag benti Palli mér á að nýjasta útgáfan af MacOS ("Tiger") kemur með upplestrarvirkni sem virkar með Safari vafranum til að lesa vefsíður upphátt.
Nú hef ég ekkert skoðað þessa nýju útgáfu af Makka kerfinu, en samkvæmt svarhalanum á bloggfærslunni sem Palli benti á, þá er upplestrarvirknin í Safari sama marki brennd og í Operunni -- meira sniðug en nothæf.
Það verður samt spennandi að sjá hvort þetta þróast eitthvað, og hvort verður hægt að tengja íslenska talgerfla við annað hvort þessara kerfa.
(Atriðin í listanum vísa á ákveðna kafla ofar á síðunni.)
![[Passamynd]](/files/2003/05/mar.gif)
Már Örlygsson
Nýleg svör frá lesendum