Sýslumaðurinn sniðugur

Skrifað 8. maí 2005, kl. 16:52

Eins og mig grunaði, þá reyndist fjárnámsboðunin vera eitthvað súrt kerfisklúður.

Ég byrjaði á að hringja í Skattinn, og þar kannaðist enginn við að ég skuldaði neitt. Því næst hringdi ég í Tollinn og fékk sömu svörin þar. Þá gaf ég upp tilvísunarnúmerið á aðfararbeiðninni og fékk staðfest að því máli hefði verið farsællega lokað fyrir tæpum tveimur árum.

Klúðrið lá sem sagt hjá Sýslumanni, og góða konan hjá Tollinum lofaði að sparka í Sýslumann fyrir mig og segja honum að láta mig í friði. Ég ætla samt að hringja í til Sýslumanns á morgun og fá staðfest að málin sé lokið.