Færslur sunnudaginn 6. mars 2005

Kl. 15:11: Smá tiltekt 

Fljótlegasta leiðin til að loka öllum svarhölum í gömlum færslum, loka fyrir bakvísanir og henda út spam vísunum er að gera "Export" á allar dagbókarfærslurnar, nota góðan textaritil til að breyta og eyða, lesa allar fræslurnar inn aftur, og endurbyggja allar síðurnar.

Þeir lesendur sem fylgjast með uppfærslum með RSS lesurum, munu líklega verða mest varir við þetta. Ég bið þá forláts á trufluninni.

Viðbót: Það er alltaf gaman að komast að því að Movable Type klúðrar innlesningunni ef einhverjar bloggfærslur, eða svör innihalda línur af texta sem er bara mörg bandstrik í röð. Movable Type ákveður í heimsku sinni að bandstrikin marki endann á viðkomandi bloggfærslu, og hendir öllu sem kemur í kjölfarið - allt fram að byrjun næstu bloggfærslu. Best að byrja upp á nýtt á innlestrinum.

Viðbót2: Jibbí, við innlestur virðist Movable Type líka gera bakvísanir (trackback) sjálfkrafa virkar á öllum færslum sem hafa áður fengið sendar bakvísanir frá öðrum síðum. Þetta skal sko verða í síðasta skipti sem ég les færslur inn í MT. WordPress er næst á dagskrá - eftir að ég prófaði það hér.

Viðbót3: Ég bið þá sem urðu fyrir endurteknum bakvísanasendingum frá mér afsökunar. Það er engin leið að endurbyggja sumar þessara gömlu færslna án þess að Movable Type ryðji út úr sér nýjum bakvísanabeiðnum. Sorrí. :-(

Varanleg slóð