Færslur sunnudaginn 7. nóvember 2004

Kl. 23:49: Talíbanadómurinn: dómsorð í Word skjali 

Um daginn misbauð mér og fleirum dómur sem Héraðsdómur Reykjaness kvað upp þann 19. október, en þar var manni sleppt við refsingu fyrir að kyrkja og reyna að nauðga eiginkonu sinni, af því hann sagðist hafa grunað hana um að halda fram hjá sér.

Í frétt Kvennaathvarfsins um málið vísa þær á Word skjal með dómnum í heild sinni. Eftir að hafa lesið þennan texta og melt hann aðeins með mér, þá er mér enn jafn misboðið. Niðurstaða dómarans er að stórum hluta óttaleg rökleysa.

Í svarhalanum sem myndaðist í kjölfar bloggfærslunnar sem ég skrifaði, kom Margrét (náfrænka Stínu og góð vinkona okkar) með fróðlega punkta um læknisfræðilega hlið svona líkamsárása með hálstaki.

Ég endurtek: Mér finnst Guðmundur L. Jóhannesson héraðsdómari vera karlrembusvín og "talíbani". En það er að sjálfssögðu bara mín skoðun.

Uppfært: breytti "dómsorðunum" í "dóminum" eftir ábendingu frá Konráði í svarhala.

Svör frá lesendum (9) | Varanleg slóð

Kl. 22:58: Köttur í glasi 

Ætli Pussa mín sé þunglynd? Í allt kvöld hefur hún svolgrað í sig vantslitamálningarvatn úr glasi sem Garpur skildi eftir á borðstofuborðinu. Áfergjan er svo mikil að ég þori ekki að stugga við henni.

Ætli þetta sé meðvituð sjálfsmorðstilraun?

...já, við nefndum aðra af kisunum okkar Pussu.

Sendu þitt svar | Varanleg slóð