Af hverju ekki 50% verkfall?

Stefán svarar:

Ágætis pæling, en framkvæmd verkfalla er háð ströngum lögum sem Alþingi hefur sett. Svigrúm verkalýðsfélaga til að efna til "óhefðbundinna" verkfalla er mjög lítið. Þótt Kennaraforystan hefði viljað, þá er ekkert sem heimilar henni að fara í verkföll bara á þriðjudögum og fimmtudögum.

Hjá opinberum starfsmönnum gilda til dæmis þær reglur að þeir geta ekki frestað verkfalli tímabundið ef liðkast til í samningaviðræðum - lögin krefjast þess að það sé allt eða ekkert.

Lög um kjaradeilur hafa að langmestu leyti verið sett af ríkisvaldinu án samráðs við verkalýðshreyfinguna. Tilgangur þessara laga er augljóslega sá að draga úr líkum á verkföllum, en reyndin hefur oft orðið sú að þau auka hörkuna.

25. október 2004 kl. 15:11 GMT | #

Tryggvi R. Jónsson svarar:

Ég vil nú halda að það sé ekkert til sem heiti ónýttur veikindadagur. Þetta eru ekki uppsöfnuð réttindi eins og t.d. orlofsdagar. Það að beita þessu svona myndi einfaldlega leiða til verra PR heldur en ekki... Basically hefði ég frekar viljað sjá gæsalappirnar utan um ónýtta heldur en veikindaga ;)

Annars held ég að PR-vandi KÍ hefði ekki verið leyst með þessum hætti, áhrif á foreldra og vinnustaði hefðu verið jafnmikil eða verri þar sem erfiðara er að aðlagast síbreytilegum aðstæðum. Þetta hefði líka verið mjög skaðlegt, skaðlegra en stöðugt verkfall, fyrir börn með ýmsar sérþarfir.

Lögin eins og [Stefán] lýsir þeim virðast vera til þess fallin að búa til ,,digital" kerfi: Annað hvort verkfall af fullri hörku eða ekki neitt.

25. október 2004 kl. 16:12 GMT | #

Már svarar:

Tryggvi, já einmitt gæsalappirnar fóru á flakk hjá mér. Takk fyrir leiðréttinguna. Varðandi börn sem hafa sérþarfir, þá hefði ég viljað sjá meiri undanþágur fyrir þau. Það er skelfilegt "PR" klúður hjá Kennarasambandinu að veita ekki undanþágur fyrir þessa nemendur. Skelfilegt klúður.

Sjálfur hafði ég ekki nema óljósan grun um að til væru lög um verkföll, en nú spyr ég eins og barnið: hvers konar kerlingar taka mark á verkfallslögum sem segja fyrir um hvenær og hvernig má fara í verkfall. Er ekki einmitt tilgangurinn með verkföllum að brjóta upp helvítis normalrammann, setja hnefann í borðið og segja "hei, ef þið ætlið ekki að borga okkur mannsæmandi laun, þá ætlum við ekki að leika í leikritinu ykkar.

Svona "full-scale" verkföll sem dragast á langinn eru í flestum tilfellum óttaleg pissað-í-skóinn-sinn lausn sem er til fárra annara hluta betur fallin en að draga baráttuþrekið hratt og örugglega úr hópnum, og draga úr tapi atvinnurekendans.

25. október 2004 kl. 16:36 GMT | #

Sindri svarar:

Vandamálið við kennaraverkfall sýnist mér fyrst of fremst vera að atvinnurekandinn metur afurð verkamannsins lítils og rukkar áfram fyrir vinnu hans þrátt fyrir verkfall. Þegar fiskverkafólk fer í verkfall sparar frystihúseigandinn jú launakostnað, en hann hefur heldur ekki neinar tekjur á meðan og horfir á fiskinn mygla á hafnarbakkanum. Vandamálið felst semsagt í að bæjarfélögin hafa áfram sömu tekjur af viðskiptavinum sínum (skattgreiðendum) og taka bara ekkert eftir myglandi krökkum útum allt.

25. október 2004 kl. 17:06 GMT | #

Már svarar:

Góður punktur Sindri. Reyndar velti ég fyrir mér hvort einhverjir grunnskólakennarar bæti sér upp launatapið með aukayfirvinnu seinna á skólaárinu við að koma krökkunum yfir námsefnið sem aðalnámsskrá kveður á um að þurfi að klárast fyrir vorpróf - a.m.k. í 10. bekk. Getur það verið?

25. október 2004 kl. 18:43 GMT | #

JBJ svarar:

"Varðandi börn sem hafa sérþarfir, þá hefði ég viljað sjá meiri undanþágur fyrir þau. Það er skelfilegt "PR" klúður hjá Kennarasambandinu að veita ekki undanþágur fyrir þessa nemendur. Skelfilegt klúður."

Eins og fram hefur komið þá verða annað hvort kennarar að fá að fullu borgaða sína vinnu á undanþágu eða engin er gefin.

Kennarar sem eru með fötluð börn (til dæmis konan mín) myndu skv. óskum sveitarfélaga aðeins fá greidda þá tíma sem þeir akkúrat kenna nemanda skv. stundaskrá.

Þetta myndi þýða að hún kenndi í fyrstu 2 tímum, svo væri frí í 1 tíma þar sem nemandinn ætti að vera í tónmennt - fyrir það fengi hún ekki borgað, svo 2 tímar aftur, svo annar tími þar sem nemandi ætti að vera í myndmennt, aftur ekki borgað og svo koll af kolli.

Eftir sæti að fyrir fullan vinnudag fengi hún ef til vill helming hans greiddan. Þetta reyndist afar illa síðast þar sem þeir kennarar sem voru kallaðir til starfa misstu rétt til verkfallsbóta en fengu svo aðeins greitt skv. þessu fyrirkomulagi og voru víst all nokkrir sem fengu MINNA fyrir að mæta til vinnu en fyrir að vera áfram í verkfalli.

Á því hefur strandað. Kópavogsbær samþykkti að greiða kennurum rétt laun og að auki kalla þá til starfa sem þarf (fleiri en bara bekkjarkennarinn koma að námi fatlaðra yfirleitt).

Aðrir hafa ekki viljað gera það heldur bara viljað borga fyrir einn kennara og það bara þá tíma sem eru í hans stundatöflu.

26. október 2004 kl. 02:02 GMT | #

Gunnar svarar:

Jói: Alve sammála að þetta sé fáránleg fyrirkomulag á greiðslum fyrir undanþágukennslu en það breytir engu um að þessi kona í undanþágunefnd skemmdi meira fyrir kennurum ein og sér (óháð hvort hún er að fara að fyrirmælum stéttarfélagsins eða ekki) heldur en nokkuð annað sem gerst hefur í þessu verkfalli.

Ekki síst með þessari setningu: "... og á þessum tímapunkti geri ég í rauninni engan greinarmun á fötluðum nemendum og ófötluðum" sem ég froðufelldi yfir á sínum tíma.

Hvernig er hægt að bera saman aðstæður geðfatlaðra barna sem virkilega þjást við breytingar á aðstæðum og venjulegra heilbrigðra barna?

Og ég er alveg sammála Mása um að ef menn ætli í verkföll þá eigi að gefa skít í einhver lög um slík. Puttann í fésið á pakkinu :>

26. október 2004 kl. 03:28 GMT | #

Már svarar:

Jói, takk fyrir að fræða okkur. Ég hreinlega vissi ekki að það hefði strandað á þessu, sem e.t.v. undirstrikar enn betur hversu mikið P.R. klúður þetta undanþágumál var hjá kennaraforystunni.

26. október 2004 kl. 08:22 GMT | #

Stefán svarar:

Mér finnst nú afstaða manna hér vera nokkuð kleifhuga. Annars vegar eiga menn að gefa skít í lög og reglur heldur fara sínu fram í verkföllum. Hins vegar er hrinið yfir því að hitt og þetta sé ekki nógu gott P.R.

Annars eru verkföll engin helvítis vinsældakeppni. Ég man ekki eftir einu einasta verkfalli sem unnist hefur út á það að viðkomandi stétt hefur verið pen og kurteis og reynt að haga aðgerðum sínum þannig að sem minnst óægindi sköpuðust. Hvort einhverjir þusarar á kaffistofum eða bloggsíðum séu sáttir eða súrir breytir engu um lausn deilumála.

26. október 2004 kl. 09:46 GMT | #

Már svarar:

Stefán, P.R. snýst um að hafa samúð almennings með sér í liði í baráttunni fyrir bættum kjörum, það snýst um að skilgreina raunverulega andstæðinga sína, og forgangsraða orrustunum sem maður veður út í.

P.R. hefur ekkert beinlínis með það að gera að fylgja lögum og reglum. Það er alveg hægt að vera viðkunnalegur rebell.

Almenningsálitið ræður t.d. heilmiklu um svigrúm sjórnvalda til að setja lög á verkfallið, og svigrúm viðsemjenda til að standa fast á sínu. Auðvitað nær engin stétt góðum samningum á P.R.inu einu saman, en það er nú samt kannski óþarfi að klúðra því algjörlega að óþörfu.

26. október 2004 kl. 12:19 GMT | #

JBJ svarar:

PR hjá kennaraforystu hefur auðvitað verið frekar slappt.

Það hefur líka verið alveg lygilegt frá sveitarfélögunum þar sem þeir hafa blákalt logið (Birgir Björn ítrekað sagt eitt í Karphúsinu og annað við fréttamenn) framan í fjölmiðla sem hafa lapið allt upp eftir þeim á meðan kennarar hafa aðallega kosið að segja sem minnst um það sem er að gerast.

26. október 2004 kl. 15:03 GMT | #