Færslur fimmtudaginn 21. október 2004

Kl. 17:52: Talíbanaréttarkerfið á Íslandi 

Googlefóður: Guðmundur L. Jóhannesson héraðsdómari er karlrembusvín og talíbani.

Ástæðan eru þessar ógeðslegu fréttir úr íslensku réttarkerfi.

Frétt DV/Visir.is:

Héraðsdómur Reykjaness sleppti í gær manni við refsingu, sem sannað þótti að hafði gengið í skrokk á eiginkonu sinni. Maðurinn viðurkenndi að hafa lagt hendur á konuna eftir að grunur kom upp um framhjáhald hennar.

Dómarinn taldi að konan hefði á einhvern hátt átt þátt í að reita manninn til reiði, áður en hann tók hana hálstaki, reyndi að nauðga henni og hún hljóp út á götu fáklædd. Hann fékk skilorðsbundinn dóm sem fellur niður ef hann brýtur ekki lögin næstu þrjú ár.

Frétt RÚV:

Refsingu yfir manni sem beitti konu sína alvarlegu ofbeldi er frestað þar sem dómari taldi konuna eiga vissa sök á ofbeldinu. Þetta er hörmulega úrelt sjónarmið, segir lögfræðingur í kvennarétti.

Maðurinn sem fundinn var sekur um að misþyrma eiginkonu fær enga refsingu brjóti hann ekki af sér í 3 ár. Honum var metið til refsilækkunar að hann grunaði að konan væri honum ótrú og ætti hún því vissa sök á ofbeldinu.

Þetta er svo ömurleg dómsniðurstaða að manni verður bókstaflega óglatt. Þessi dómari er greinilega svona fauskur sem sýknar nauðgara "af því konan klæddi sig í of stutt pils og bauð hættunni heim". Þessum héraðsdómara þarf klárlega að víkja úr starfi. Hann er alvarlega úr takt við tímann.

Sjá einnig skoðanir annara karlbloggara:

• Bjarni Rúnar: "Fáránlegur dómur"
• Gunnar Gríms: "Þú mátt lemja konuna í spað ef hún hélt (hugsanlega) framhjá þér"
• Einar Mar: Gervimál eða gervijafnrétti? "Manninum var virt til refsilækkunar að konan hafi reitt hann til reiði og samband þeirra hafði verið stormasamt, þ.e. hann hafði beitt hana ofbeldi áður."
• Daníel Freyr: "Af þessu má draga þá ályktun að ef þú danglar reglulega í konuna þína þá er það mun minna mál en ef þú gerir það bara einu sinni." [...] "eins og heimurinn hefði staðið í stað í heila öld."
• Fleiri?

Endilega sendir mér vísanir...

Svör frá lesendum (8) | Varanleg slóð