Færslur mánudaginn 18. október 2004

Kl. 23:50: Skapandi vinir 

Svavar gaf frá sér um daginn nýtt, flott lag: You Should Call a Doctor; Bjarni er að fitla við rithöfundinn í sér með örsögu um manninn sem bloggaði og skemmtilegum Ábyrgðarlausum skrifum; og Urður sæta flytur ljóð sín opinberlega, en droppar samt einu og einu inn í bloggið sitt - t.d. þessu flotta Haustástarljóði.

Vinasköpun. Vinskapur. Vinsköpun.

P.S. ég er ábyggilega að gleyma einhverju(m).

Svör frá lesendum (2) | Varanleg slóð

Kl. 22:59: Sérfræðingur með húfu 

Ef ég set húfu á hausinn á mér og segist hafa stundað sjálfstæðan rekstur og borgað skatta í nokkur ár - í dulargerfi - ætli ég verði þá tekinn í viðtal af Ríkissjónvarpinu sem sérlegur sérfræðingur um áhrif skattalækkana og skattastefnu hins opinbera?

Að koma Stefáni Mána í þetta viðtal í Brennideplinum var bara klókt PR múv hjá bókaútgefandanum hans.

Gummi E bloggar um þetta og segir meðal annars:

"Opnunartími veitingastaða er gagnrýndur." [...] "Er ekki skýringin á aukinni dópneyslu og glæpum frekar sú að félagsleg fyrring hafi aukist í beinu samhengi við setu ríkisstjórnarinnar?"

...og í hverfulum Haloscan hala tók ég undir með honum og öðrum sem höfðu svarað:

Þessi fréttamennska virkaði alveg ferlega ódýr á mig. Það að hann kallaði sig "rithöfund" og sagðist hafa í raun og veru ekki verið að djamma og skemmta sér heldur "í dulargerfi" að "rannsaka" dópheiminn, virtist duga fréttamönnunum til að skilgreina þennan gaur sem eitthvað authority um stöðu og þróun eiturlyfjaheimsins á íslandi, og hæfan til að meta áhrif opinberrar stefnu á þennan málaflokk.

Svör frá lesendum (2) | Varanleg slóð