Færslur fimmtudaginn 9. september 2004

Kl. 01:27: Uppfærð lánareiknivél 

Lánareiknir sá er ég gaf út um daginn hefur fengið smá athygli, og nú í kvöld barst mér í fyrsta skipti uppfærsla frá notanda nokkrum sem fannst ákveðna möguleika vanta í skjalið. Ég tók tillögur Davíðs þessa til athugunar og gaf út nýja útgáfu af Excel "veltukerfinu" og bætti við skýringum í upprunalegu dagbókarfærsluna.

Upprunalega bjó ég til þessa reiknivél af því ég tímdi ekki að borga aðgang að svokölluðu Veltukerfi heimilanna á www.spara.is. Þá kostaði aðgangur að því forriti 9.500 kr, en síðan þá hafa aðstandendur þeirrar síðu lækkað verðið um rúman helming niður í 4.500 kr. Kannski út af þessu.

Mig grunar reyndar að reiknivélin á Spara.is sé bæði margfalt einfaldari í notkun en mín, og býr til einfalt aðgerðaplan fyrir fólk sem er með mörg mismunandi jafngreiðslulán, þannig að er örugglega einhverra peninga virði að kaupa sér aðgang að henni.

P.S. Gegn vægu gjaldi væri ég alveg fáanlegur til að veita aðstandendum Spara.is ráðgjöf í því hvernig þau geta komið vefsíðunum sínum ofar í leitarvélarnar. :-)

Sendu þitt svar | Varanleg slóð