Færslur föstudaginn 2. júlí 2004

Kl. 15:32: Flott kona 

Ég var með Garp að gefa öndunum á tjörninni eftir hádegið. Svo fórum við og sáum Stínu dansa með Magadansdísunum fyrir gangandi vegfarendur í miðbænum.

Mikið á ég flotta konu!

Svör frá lesendum (2) | Varanleg slóð

Kl. 08:35: Fréttir 

• Ég hef haft of mikið að gera undanfarið til að getað bloggað með góðri samvisku. Þegar ég hef haft tíma til að blogga þá hef ég annað hvort verið dauðþreyttur og flatur, eða Klaki í einhverju fýlukasti.
• Eldhúsinnréttingin er núna 98% tilbúin, og alveg svakalega fín þótt ég segi sjálfur frá. Jibbí! Eftir er þó: Kítta kringum borðplötuna, mixa sökkullistann, skrúfa handfang á þrjár hurðar, og skrúfa og kítta spjald fyrir innskotið í veggnum undir gluggasillunni.
• Stína átti afmæli síðustu helgi. Við fórum í bíltúr á Nesjavelli, Selfoss, Stokkseyrarbakka (humar!), Bláa lónið og höfðum það næs öll þrjú allan daginn. Á morgun býður Stína til afmælispartís heima. Það verður fjör.
• Það má vera að við, Stína og Garpur, förum í hvalaskoðun í kvöld með hópi af gömlum MH vinkonum. Spennandi að fá loksins aftur smá sjávarloft í lungun.
• Á eftir fer ég í viðtal hjá Japanska sendiráðinu út af umsókninni. Ég hef enn ekki haft tíma til að lesa mér til um hvernig viðskiptalegum samskiptum Íslands og Japans er háttað. Það mun að öllum líkindum há mér í viðtalinu.
• Næsta fimmtudag koma mamma og Steve í langa helgarheimsókn. Gaman!
• Þriðjudaginn eftir það, kemur Inga mamma Stínu heim til Íslands.
• Svavar bloggaði í fyrradag alveg gríðargóða kover-útgáfu af laginu Ég elska þig, eftir "Hamfarann" Gunnar Jökul Hákonarson.

Svör frá lesendum (1) | Varanleg slóð