![[Passamynd]](/files/2003/05/mar.gif)
Már Örlygsson"KISS reglan" og trúarbrögð
Þegar menn beita rakhníf Ockhams aðeins of fast á lífsgátuna, þá enda þeir oftar en ekki með einhverskonar trúarbrögð í höndunum.
Sú útkoma getur verið gagnleg fyrir viðkomandi, svona prívat og persónulega, en einkar varasöm ef viðkomandi hyggst troða henni upp á annað fólk.
Trúarbrögð geta stundum birst í stjórnmálaskoðunum, og öðrum hlutmengjum stóru lífsgátunnar.
Svör frá lesendum (6)
Matti Á. svarar:
Prófaðu að yfirfæra þennan texta á eitthvað annað en trúarbrögð, t.d. stýrikerfi, vefhönnun eða stjórnmál..
Held það liggi í augum uppi að þú lendir í bullandi krísu ef þú gerir það, því þessum rökum er hægt að beita á allt sem skiptir þig máli og ég held þú myndir sjá að þetta er óttalega þreytt og ómálefnaleg gagnrýni.
Því þú ert í raun að segja, og ekki í fyrsta sinn, að sinnuleysið sé eina rétta skoðunin, a.m.k. þegar kemur að trúmálum. Sem er dálítið merkilegt frá manni sem hefur ansi sterkar skoðanir á ýmsum málum ;-)
23. maí 2004 kl. 23:08 GMT | #
Már svarar:
Vertu slakur Matti minn... :-)
Ég var einfaldlega að reyna að koma í orð hvernig ég skilgreini "trúarbrögð" og hvað ég tel liggja að baki þeim.
Hugmyndin er að trúarþörf fólks orsakist af ákveðinni uppgjöf gagnvart yfirþyrmandi flækjustigi tilverunnar (þessum endalausu spurningum: "hver er tilgangurinn með þessu jarðlífi?" "Hvar endar alheimurinn?" "Skyldi hann enda..." o.s.frv.) og að trúarbrögðum megi lýsa sem of-einfölduðu svari - þ.e.a.s. því sem sendur eftir þegar rakhnífnum góða hefur verið beitt með aðeins of miklu afli.
Mér þykir leitt ef ég fór í taugarnar á þér með þessari pælingu.
24. maí 2004 kl. 01:11 GMT | #
Már svarar:
P.S. Matti, má ekki einfaldlega líta svo á að val á stýrikerfum, og útfærslur á vefhönnun séu (agnarsmá að vísu) hlutmengi stóru lífsgátunnar? :-)
Það var m.a. punkturinn hjá mér, að trúarbrögð leynast á ótrúlegustu stöðum og taka á sig ýmsar myndir.
24. maí 2004 kl. 01:15 GMT | #
Zato svarar:
Ef það væri eitt hugtak sem ég gæti þurkað út úr mannlegri þekkingu þá væri það trúarbrögð.
Meats of evil, I say, MEATS OF EVIL !!!!
ég verð að vera ómálefnalegur :-)
24. maí 2004 kl. 09:51 GMT | #
Már svarar:
Zato, ég held að mannfólk hafi mjög sterka tilhneygingu til þess að detta í svona trúarbragðahugsunarmunstur, og það verði aldrei hægt að útrýma öllum birtingarmyndum trúarbragða. Ég held að trúarbrögð séu ekki þekking, heldur frekar hugarfar (hjólför sem hugur fólk festist í) - ýmist viljandi eða óviljandi.
24. maí 2004 kl. 10:18 GMT | #
Matti Á. svarar:
Sorry, ég fer kannski í fullmikinn varnarham þegar þessi umræða kemur upp - en ég er slakur ;-)
24. maí 2004 kl. 12:47 GMT | #