Færslur laugardaginn 1. maí 2004

Kl. 20:48: Seinustu forvöð fyrir frí 

• Lava the Band (Svavar/Hraun): með "singúlinn" Rebellinn.

• Jenný vinkona með skemmtilega færslu: "Um daginn tók ég mig til og virkilega lagaði til í herberginu hennar Arnrúnar..." Vonda mamman

• Til hamingju félagar: Bjarni með afmælið og Kári með doktorinn í grannfræðinni.

• Það eru ca. milljón hlutir sem ég næ ekki að klára fyrir fríið sem hefst á morgun (dularfulla leyniferðin). Ég ætla samt að hafa þetta alvöru frí. Ég er búinn að vinna eins og asni undanfarnar N vikur og nennessekki lengur.

...því ég er rebell! ég er rebell!!! sjáðu mig dansa! sjáðu mig dansa!!!

Svör frá lesendum (5) | Varanleg slóð

Kl. 18:04: Að laga Google 

Í fyrradag skrifaði ég litla færslu til að hjálpa þeim sem leita að Devito's Pizza í Google og öðrum leitarvélum. Í dag, tveimur dögum seinna, er þessi færsla mín orðin efsta niðurstaðan þegar leitað er að "Devito's Pizza", sem er mun gagnlegri niðurstaða en sú sem tróndi á toppnum á undan (sú sem er núna í öðru sæti).

Ég er þeirrar trúar að ef manni finnst uppáhalds leitarvélin manns ekki vera að skila gáfulegum niðurstöðum, þá beri manni ekki að nöldra yfir því, heldur að einfaldlega hjálpa henni - annað hvort með því að búa til vefsíðu með gagnlegum upplýsingum, eða með því að vísa áfram á síðuna sem manni finnst að eigi að vera efsta leitarniðustaðan.

Í fyrra plataði ég Don Park til að prófa síðarnefndu aðferðina, með góðum árangri. Í færslusafninu hans má lesa eftirfarandi framhaldssögu, sem mér a.m.k. finnst vera svolítið brosleg:

3. júní 2003: PageRank Noise (Nöldur!)

15. júní 2003: Update on Googling WebCore source code (Meira nöldur!)

25. júní 2003: Googling for WebCore #3: I Am Just a Blogger (Enn meira nöldur!)

26. júní 2003: Ég svara síðustu nöldurfærslunni hjá Don:

"Here's an idea: Try editing this post, and your two older posts, to include a direct link to the source code on Apple's page with the words 'Webcore Source Code' in the link."

14. sept. 2003: 10th Don:

"Muhahahaha! [...] I am keeping Safari WebCore source code link above the blog-waterline."

Mér fannst líka eftirfarandi komment frá Don vera dáldið sniðugt: "Now we can add 'Keepers of Google PageRank' to Bloggers' list of duties."

Það má læra ýmislegt af þessu.

Svör frá lesendum (2) | Varanleg slóð