Færslur miðvikudaginn 21. apríl 2004

Kl. 15:48: Vorið er að koma 

Stína sá hunangsflugu í fyrradag - heilum 3 dögum fyrir sumardaginn fyrsta! Bjartsýnisfluga!

Og fuglarnir eru farnir að syngja í garðinum okkar á morgnana.

Ég vaknaði um sexleytið í morgun og sat í borðstofunni að vinna á tölvuna og heyrði í þeim inn um gluggann. Það var voða vorlegt og vakti upp minningar úr suðurherberginu á Árósi þegar ég var lítill.

Svo fíla ég rosalega vel að fara í sturtubað snemma á morgnana, því þá skín morgunsólin inn um gluggann á baðherbergisskápinn og birtan er svo notaleg. Maður vaknar voða vel við það.

Og svo vekur morgunsólin Garp alltaf með því að skína á hann inn um þríhyrnda gluggann í svefnherberginu undir súðinni. Hitar hann upp þar sem hann liggur með sængina sína kuðlaða undir sér.

Ég veit að við ættum að hengja upp gluggatjöld eða setja teppi yfir rimlana í rúminu hans, en þetta er bara eitthvað svo sætt að ég fæ mig ekki til þess.

Svör frá lesendum (3) | Varanleg slóð