Færslur fimmtudaginn 8. apríl 2004

Kl. 11:22: Hey Dude! 

Mér finnst strákarnir í Beatallica vera sniðugir, spila gömul bítlalög og herma á eftir Metallica á meðan. Mjög fyndið!

Ég sóttir áðan báðar plöturnar þeirra með Bittorrent, og borgaði í leiðinni höfundi forritsins 10 dollara fyrir að vera frábær. Um daginn greiddi ég Dean Edwards 10 dollara fyrir vinnu hans við IE7 vafraviðbótina. Reyndar hefur ekkert nýtt spurst af henni í mánuð, þá er hún samt í nothæfu ástandi hálfkláruð, og vel 10 dollara virði fyrir nörd eins og mig! Paypal er sniðugt, og ég reyni að styðja við bakið á þeim forriturum/listamönnum sem mér finnst vera að gera góða hluti.

En talandi um sniðuga ókeypis tónlist, þá rakst á um daginn á tónlist eftir félaga sem kalla sig Jon & Al. Þeir sömdu og frömdu söngleikinn 'Silence!' en hann er byggður á kvikmyndinni 'Silence of the Lambs'. Útkoman er vægast sagt yndisleg.

P.S. Þeir sem vilja spara sér kostnað við útlandaniðurhal á þessum lögum, mega vera í sambandi við mig til að nálgast ókeypis innanlands með einum eða öðrum hætti.

Svör frá lesendum (1) | Varanleg slóð