![[Passamynd]](/files/2003/05/mar.gif)
Már ÖrlygssonMarkdown!
Ég var að prófa að setja upp Markdown textatúlkunarviðbótina fyrir Movable Type. Í fljótu bragði virðist þetta vera algjör snilldargræja og snilldar ritháttur.
Allir Wiki textatúlkar sem ég hef hingað til séð, og einnig Textile túlkurinn, hafa þann pirrandi ókost að þeir gera í raun ekkert einfaldara að skrifa texta á vefsíðu, heldur bjóða bara upp á annars konar rithátt sem er alveg jafn 'flókinn' og HTML - bara öðruvísi.
Markdown rithátturinn er hins vegar virkilega einfaldur og vandlega úthugsaður, og byggir að lang mestu leyti á þeim rithætti sem flestir eru vanir að nota í tölvupósti og plain-text ritvinnslu.
Útsjónarsemi höfundanna kemur svo skýrt í ljós þegar maður vill skrifa um HTML forritun. Ég þarf t.d. ekki að vélrita < til að framkalla '<' tákn í <p>HTML kóðadæmum</p> því Markdown tekur < táknin og umbreytir þeim sjálfkrafa. Engu að síður get ég skrifað mín eigin HTML mörk (t.d. <acronym>) inn í Markdown textann ef mér sýnist svo. Munurinn liggur bara í því að utan um HTML kóðadæmið setti ég svona `` gæsalappir, og innan þeirra birtist allur HTML kóði á skjánum, en utan þeirra er hann túlkaður. Útkoman er hreint og fallegt HTML, og textaútgáfan sem ég er að vélrita núna er líka mjög einföld og læsileg.
Það er rétt að taka fram að taka fram að öfugt við Textile og flesta Wiki túlkana, þá beinlínis forðast Markdown að útfæra rithátt fyrir alla (ó)mögulega HTML fítusa. T.d. er engin sérstakur Markdown ritháttur til að búa til HTML töflur. Ef ég vil HTML töflu þá leyfir Markdown túlkurinn mér einfaldlega að skrifa töflukóðann á HTML formi eins og ekkert sé eðlilegra. Þannig get ég blandað saman klassískum HTML mörkum og Markdown rithætti í einu og sama skjalinu.
Allavega, ég ætla að sjá hvernig þessi tilraun mín gengur. Vista núna og skoða útkomuna á síðunni.
P.S. Best Er búinn að prófa nokkur Markdown trikk (ég mun líklega henda þessum parti þegar ég er búinn að fikta).
P.P.S. Niðurstaða: Markdown er reglulega, verulega töff textatúlkur ! Ég held að Bjarni gæti t.d. fílað að nota þetta þegar hann skrifar í dagbókina sína.
Svör frá lesendum (10)
JBJ svarar:
Eða þið bara hættið að rugla með þetta og notið alvöru rich text svæði: HTMLArea
Þetta virkar á nýrri IE og Mozilla/Firebird, tær snilld.
21. mars 2004 kl. 02:15 GMT | #
Már svarar:
Markdown hjálpar manni að skrifa einfalt en merkingarbært HTML, en HTMLArea er Word harmleikurinn endurtekinn.
Með ærlegri endurskrift væri eflaust hægt að breyta HTMLArea í góðan, einfaldan vefritil, en núverandi útgáfa skilar tómum sóðakóða (grænt letur í mismunandi stærðum, blikkandi með undirlínu, gegnumlínu og fjólubláum bakgrunni).
Mér finnst svona Rich Text Editing ekkert spennandi. Við hjá [Hugsmiðjunni][1] höfum einmitt lagt mikla vinnu í að gera vefritilinn í Eplica kerfinu þannig úr garði að hann skili einföldu og sæmilega merkingarbæru HTMLi. :-)
21. mars 2004 kl. 03:19 GMT | #
JBJ svarar:
"Mér finnst svona Rich Text Editing ekkert spennandi"
0.o
Úff, þetta frá manni sem vill gera hluti notendavæna ! Hef sjálfur enn ekki uppfært mitt kerfi í HTMLArea þó sumir notendanna séu farnir að fá það, en ég er líka ofur gamaldags fyrir sjálfan mig og nota ekki einu sinni Dreamweaver eða álíka heldur nota bara editora með litakóða.
Hins vegar vil ég fyrir alla muni gera lífið einfaldara fyrir betra.is fjölskylduna og fleiri og nota því grimmt svona rich text svæði þar sem við á.
21. mars 2004 kl. 16:51 GMT | #
Már svarar:
Ah, það mátti misskilja þetta hjá mér. Það sem ég á við er að mér þykir svona Rich Text Editing svæði eins og HTMLArea ekki spennandi, af því það spýtir út úr sér sóðalegum HTML kóða.
Ég hef ekkert á móti góðum WYSIWYG ritlum - svo fremi sem þeir skila einföldum, merkingarbærum og hreinlegum HTML kóða. Vefritillinn í Eplica vefumsjónarkerfinu er smátt og smátt að standa sig betur í þeim efnum, en fyrir utan hann, þá hef ég enn ekki séð neina ritla sem ég fíla.
Ath, samt, að ég var ekki að troða Markdown rithættinum upp á einn eða neinn nema sjálfan mig, og mögulega Bjarna (ég held að hann gæti fílað þetta). Ég verð samt að segja að Markdown er alveg rosalega notendavænt, og ég mundi treysta mér til að kenna Mömmu gömlu á þetta á 10 mínútum, og ég veit að konan mín mun örugglega fila þetta fyrir síðuna sína.
21. mars 2004 kl. 17:04 GMT | #
Bjarni Rúnar svarar:
Hei, fyrst þú ert alltaf að tala við mig þá er best að svara þér hér líka þó ég hafi svarað þér í gærkvöldi í eigin persónu. Mér finnst Markdown alveg ofsalega flott lausn á vandamálinu sem það er að reyna að leysa. :-)
Ég hugsa samt að ég muni ekki nenna að nota það neitt í bráð, einfaldlega af því að ég hef engan stað þar sem mér fyndist það viðeigandi. Þegar ég þarf skjöl bæði á texta og HTML formi þá skrifa ég HTML og nota eitthvað eins og "lynx -dump" til að breyta í texta.
Þegar ég er að kenna einhverjum að búa til vefsíður, þá kenni ég þeim á p, br, i, b, a og img tögin og fólk er yfirleitt mjög ánægt og fljótt að ná því. Kannski er ég bara góður kennari, eða vinir mínir upp til hópa mjög gáfaðir... en persónuleg reynsla mín allavegna bendir til þess að það sé mjög auðvelt að læra grundvallaratriðin í HTML. Ég upplifi því voða litla þörf fyrir svona apparat eins og Markdown.
Einföld HTML kunnátta er líka grunnur sem nýtist beint þeim sem vilja síðan fara í flóknari hluti. Sama er ekki hægt að segja um Markdown - mér fyndist ég því vera að sóa tíma mínum og tíma "nemandans" ef ég myndi kenna á Markdown frekar en eitthvað staðlað eins og HTML.
Svona tækni er reyndar alveg viðeigandi í spjallkerfum og vefumsjónarapparötum. Það væri töff ef þetta væri sjálfgefinn möguleiki í korktöflum hér og þar um heiminn. En þá kemur að hinum stóra ókostinum við þetta - þetta er ekki open-source verkefni. Moveable type notendur eru svosem farnir að venjast slíku (MT er ekki opið heldur), en það stendur í mér og það mun hindra að þetta verði í framtíðinni almennt tekið upp sem sjálfgefinn hluti vinsælustu korktöflukerfanna.
22. mars 2004 kl. 14:41 GMT | #
Már svarar:
Bjarni, tvennt:
'HTML er auðvelt'
Já mér finnst HTML líka 'auðvelt' og ég er orðinn mjög vanur að skrifa það og lesa. Mjög vanur! Mér hefur líka gengið mjög vel að kenna fólki að nota 4-5 algengustu HTML mörkin. Ég las hins vegar greinina Dive into Markdown þar sem höfundurinn segir frá eigin reynslu við að skrifa og semja texta, og hvernig honum finnst það alltaf þvælast fyrir sér að þurfa að vélrita HTML mörk og
&kóða og allt hitt sem er óneitanlega leiðinleg handavinna - jafnvel þótt HTML sé voðalega 'auðvelt'.'Þetta er ekki open-source verkefni'
Þú hlýtur að hafa mislesið eitthvað. Markdown er gefið út með GPL skilmálunum, eins og kemur fram á skilmálasíðunni fyrir Markdown.
22. mars 2004 kl. 15:14 GMT | #
Már svarar:
Mér þætti skemmtilegt að sjá Markdown útfært sem 'import filter', þannig að maður geti samið textann með Markdown rithætti, en niðurstaðan sé vistuð í gagnagrunninum sem XHTML.
Svo væri líka hægt að láta vefritilinn keyra XHTML kóðann í gegnum HTML-í-Markdown túlk, svo maður geti gert breytingar og viðbætur á Markdown formi.
Ég mundi helst vilja geta litið á Markdown sem notendaflöt, en ekki skráarform.
22. mars 2004 kl. 15:20 GMT | #
Bjarni Rúnar svarar:
Amm, það er leiðinlegt að skrifa um HTML í HTML. Sammála því. Einusinni var til tag sem gerði það auðvelt, en það var síðan fjarlægt í HTML 3 eða eitthvað. Man ekki hvað það hét, maður vandi sig aldrei á notkun þess því það var fjarlægt úr staðlinum svo snemma.
Mín fljótfærni að yfirsjást þetta GPL dæmi, ég tók bara eftir textanum þar sem hann sagði að commercial notendur ættu að borga péning.
Hitt gildir eftir sem áður, með að mér finnst yfirleitt tíma betur varið í að skrifa bara og kenna á HTML. Það á þó ekki alltaf við og það er gott að vita af þessu, það er mjög líklegt að maður noti það einhverntímann fyrst skilmálarnir samræmast trúarskoðunum manns. ;-)
22. mars 2004 kl. 15:28 GMT | #
JBJ svarar:
... eða nota HTMLarea strákar...
22. mars 2004 kl. 20:24 GMT | #
Már svarar:
Hættu að stríða okkur Jói. Við förum bráðum að gráta ef þú heldur þessu áfram. ;-)
22. mars 2004 kl. 22:15 GMT | #