Færslur mánudaginn 8. mars 2004

Kl. 09:53: Spennandi HTML og CSS slóðir 

• Frá Simon Willison, Dean Edwards er bilaður maður. Hann er á fullu að forrita javascript einingu, sem hann kallar IE7, sem lagfærir fullt af villum í CSS og DOM stuðningi Internet Explorer 5.5 og 6.0 á Windows (sjá dæmasíðuna). Einingin er enn ókláruð, en það verður mjög spennandi að sjá hvernig endanlega útkoman verður, og hvort honum tekst að láta þetta virka líka á IE 5.0.

• Frá Mark Pilgrim, Code Style birta niðurstöður kannana um hvaða leturgerðir eru uppsettar hjá Windows, MacOS, og UNIX notendum.

• Frá Mark Pilgrim, Chris á Dithered.com viðheldur heljar ítarlegum lista yfir alls kyns CSS brellur og hvaða áhrif þær hafa í mismunandi vöfrum. Mér þykir þetta áhugavert, þótt ég noti sjálfur bara örfáar brellur af þessum lista - og sú sem ég nota mest er "Non-Validating". :-/

Svör frá lesendum (8) | Varanleg slóð