Mmmm... nördafóður

Skrifað 16. febrúar 2004, kl. 23:13

Rakst á tvær glimrandi fínar síður gegn um blinks (RSS) hjá Mark Pilgrim:

1. Mark Nottingham: Caching Tutorial for Web Authors and Webmasters. Útskýrir flest sem vísitöluvefnördar þurfa að vita um notkun og virkni cache á vefþjóninum og í vafranum.

   Þessi síða minnir mig á ráðgjafarskýrslu sem ég vann fyrir tæpum tveimur árum fyrir ónefnt fyrirtæki, um nákvæmlega þetta efni. Ég gramsaði mikið í HTTP stöðlunum og rýndi í HTTP samskipti milli vefþjóns og nokkurra tegunda af vöfrum. Mjög lærdómsríkt ferli, sem skilaði m.a. skilningi á því hvernig vafrar meðhöndla Cache yfir SSL, og hvernig má telja vöfrum trú um að lifandi ("dýnamískar") vefsíður séu dauð html skjöl ("statískar" skrár) m.t.t. cache meðhöndlunar.

2. Svend Tofte: Max-width in Internet Explorer - kennir manni að nota Internet Explorer fallið expression(), til að keyra javascript innan í CSS skjölum. Fokking sniðugt!

   Ég hugsa núna með tárin í augunum til Javascript kóðans sem ég skrifaði fyrir Siminn.is til að fá Internet Explorer til að hegða sér eins og hann kynni á CSS reglurnar min-width og max-width. Sá kóði kostaði blóð svita og tár og var mun, mun flóknari og kauðskari en þessi expression() lausn sem Svend bendir á.

   Ég veit að vinir mínir í Vefsýn munu líka glotta í biturð yfir þessu, því þeir skrifuðu heljarinnar javascript kóða til að gera þetta sama á heimasíðu HÍ. Ég stúderaði kóðann þeirra fyrr í vetur og var nokkuð grobbinn af því hversu nett lausnin mín var í samanburði við lausnina þeirra. En sjiiii, hvað mér líður heimskum núna... :-)