Færslur fimmtudaginn 5. febrúar 2004

Kl. 23:13: Nýtt nýtt lúkk 

Þakka jákvæð viðbrögð við nýja lúkkinu í fyrradag og gagnlegar ábendingar um hvað var að.

Nú langar mig að biðja ykkur um að tjá ykkur um nýjustu útgáfuna af nýja lúkkinu? (1 | 2)

Breytingar frá fyrri útgáfu:

• Ný bakgrunnsljósmynd sem er léttari í hleðslu.
• Fjarlægði allar hálf-gegnsæju .PNG bakgrunnsmyndirnar og feikaði í staðinn gegnsæi með tveimur stórum (en tiltölulega léttum) .JPG myndum: 1 | 2
• Ýmsar smærri lagfæringar.

Ég er að leita að rétta jafnvægispunktinum í myndanotkuninni. Mig langar til að nota stóra djúsí mynd, og mér finnst gegnsæi skemmtilegt. Málið er bara að "stórar" myndir verða a.m.k. að vera 1280 x 960 px á stærð til að þær fylli út í flesta skjái, og það kostar vafrann fullt af minni birta þær á síðunni.

Ég er kominn með nóg af harða minimalismanum sem ég var í áður, og vil núna fara alla leið í hina áttina.

P.S. Eins og áður þá lítur síðan lang best út í Mozilla (Firebird), Opera, eða Safari. Internet Explorer notendur sjá ekki nema ca. 75% af dýrðinni. ;-)

Svör frá lesendum (13) | Varanleg slóð

Kl. 19:13: Mínus í mínus 

Gegn um Tryggva rakst ég á þessa prýðis færslu frá Sjonna. Sjonni tekur þarna þvæluna frá drengjunum í Mínus og segir það sem ég held að flestir hafi hugsað sem lásu féttatilkynninguna þeirra í blöðunum.

"Samfés og Æskulýðsráð Hafnarfjarðar ráða því hvaða hljómsveitir spila á böllum á þeirra vegum. [...] Kommon maður, þetta er ekki kúgun frekar en rassgatið á Krumma."

Mínus fær stóran mínus í kladdann hjá mér fyrir hálvitalega hegðun, en Samfés fær einnig mínus frá mér (mun minni þó) fyrir að krefjast einhverra skriflegra yfirlýsinga. Þau áttu bara að taka hljómsveitina af tónleikadagskránni þegjandi og hljóðalaust, án allra bjánalegra skilyrða.

Svör frá lesendum (8) | Varanleg slóð