![[Passamynd]](/files/2003/05/mar.gif)
Már ÖrlygssonDeiglugrein um Kvennaslóðir á villigötum
Snæbjörn Gunnsteinsson skrifar á Deiglunni "Kvennaslóðir - hagur kvenna?" um kvensérfræðingavefinn Kvennaslóðir. Pistillinn er því miður ansi slakur, en í honum gagnrýnir Snæbjörn Kvennaslóðir með tilvísunum í rannsóknir á neikvæðum áhrifum "jákvæðrar mismununar". Málið er bara að Kvennaslóðir hafa ekkert með jákvæða mismunun að gera [a.m.k. ekki þá tegund jákvæðrar mismununar sem rannsóknirnar beindust að], heldur þvert á móti snýst verkefnið um að markaðssetja kvensérfræðinga sem traustan kost fyrir fjölmiðlafólk í leit að álitsgjöfum, opinberar nefndir, og stjórnir fyrirtækja. Það væri nær að Snæbjörn fagnaði Kvennaslóðunum því markmið þeirra er einmitt að draga úr þörfinni fyrir reglur um "jákvæða mismunun".
Það er þó áhugavert að vita að kennari í háskólanum ku hafa lagt fram formlega kvörtun (kæru?) til siðanefndar Háskólans vegna þess að verkefnið mismuni Körlum. Ég veit ekki alveg hvað mér finnst um þá aðgerð.
P.S. mig langar til að mæta á Karlakvöldið á Grandrokk annað kvöld kl. 20:00. Þar talar fólk frá Félagi ábyrgra feðra, og Félagi einstæðra foreldra. Ingólfur V. Gíslason talar, og Ævar Kjartansson, auk almennrar umræðu. Ég get hins vegar ábyggilega ekki mætt því Stína verður að vinna þetta kvöld og Garpur sofnar einmitt um þetta leyti... Foreldrahlutverkið eh? :-)
Svör frá lesendum (4)
Sindri svarar:
Hvernig er ríkisrekið verkefni til að styðja við atvinnuleit kvenna ekki "jákvæð" mismunun?
Gagnrýnin á jákvæða mismunun í könnununum sem Snæbjörn bendir á á líka við um verkefni eins og Kvennaslóðir. Tilvist svona verkefna gefur sterklega til kynna að konur þurfi sérstaka hjálp til að komast í góðar stöður.
27. janúar 2004 kl. 16:05 GMT | #
Már Örlygsson svarar:
Já það má á vissan hátt skilgreina það sem jákvæða mismunun að ríkið skuli styrkja þetta ... en það er mjööög langsótt.
Með sömu rökum má halda því fram að allt sem styrkt er af opinberu fé sé "jákvæð mismunun" af hálfu hins opinbera.
Það er sömuleiðis mjög hæpin fullyrðing að halda því fram að niðurstöður rannsóknanna sem Snæbjörn vísar til eigi á einhvern mælanlega hátt við framtak á borð við Kvennaslóðir.
27. janúar 2004 kl. 17:13 GMT | #
Már Örlygsson svarar:
Rannsóknirnar sem Snæbjörn vísar á skoðuðu tilfelli þar sem konur voru ráðnar og "jákvæð mismunun" kom beint við sögu - þ.e. "jákvæða mismununin" átti sér stað í ráðningarferlinu sjálfu.
Ef við gefum okkur að Kvennaslóðir megi flokka sem ákveðna tegund "jákvæðrar mismununar" þá á sú mismunun sér stað á allt öðrum stað í samfélaginu og virkar ekki sem beint inngrip inn í ráðningarferlið - heldur meira sem passíft áróðursstarf (markaðssetning?) á viðkomandi konu(m) sem valkostum.
Mér finnst Kvennaslóðir vera mjög jákvætt framtak því verkefnið gerir atlögu gegn ójöfnum kjörum kynjanna með hætti sem teflir konum fram sem sterkum, sjálfstæðum einstaklingum, nokkuð sem mér þykir frískandi tilbreyting frá þessum dæmigerða fórnarlambakúltúr sem hefur að mínu mati gegnsýrt femínískar baráttuaðferðir í gegn um tíðina.
28. janúar 2004 kl. 00:47 GMT | #
Óli Jens svarar:
Ég myndi kalla thetta jákvæda mismunun vegna thess ad tharna er verid ad taka einn hóp fram yfir annan. Út frá thessu má skilgreina alla styrki sem hid opinbera veitir til "kúgadra" minnihlutahópa (og veita ekki til "kúgandanna") sem jákvæda mismunun. Ég er ekki viss um thessa skilgreiningu en læt hana samt fjúka. En thetta er held ég bara edlilegt skref í thví ad losna vid mismunun (thar á medal jákvæda mismunun).
28. janúar 2004 kl. 13:27 GMT | #