Opinbert svar Hannesar

Ágúst svarar:

"mér fannst hins vegar alltaf hálfgerð skítalykt af því hversu seint sú gagnrýni kom fram, og hvernig hún hafði allt yfirbragð skipulagðrar atlögu"

Gleymdu ekki "fyrirsjáanleg". Auk þess sem hann hefði hreinlega aldrei getað fengið að njóta sannmælis hjá ákveðnu fólki. Klassísk persónuleg óvild.

Ekki það að það er örugglega ýmislegt til í þessari gagnrýni en hún er vissulega vatn á óvildarmyllu Hannesar.

Og nei, ég er ekki að segja að þessi óvild sé ekki áunnin. Kannski erum við bara orðin óvön að menning sé dæmd eftir flokkslínum.

8. janúar 2004 kl. 23:19 GMT | #

Sverrir svarar:

Mér fannst það besta við svar Hannesar að hann forðaðist einmitt að tala um pólitískar ofsóknir eða saka alla gagnrýnendur um að dæma eftir flokkslínum. Ef hann hefði gert það hefði sú málsvörn verið lítils virði.

Og að hann gerir sér grein fyrir því að ritstuldur er alvörumál, sem er meira en sumir sem ætla sér að "verja" hann með þeim rökum að það sé í lagi að stela.

En það eru ekki rök í málinu að segja að gagnrýni "komi seint fram". Ef höfundar stunda vafasöm vinnubrögð er það beinlínis skylda ritdómara að benda á það.

Höfundurinn hefur vissulega einnig rétt á að svara fyrir sig. Mér finnst jákvætt að þetta mál sé í tiltölulega málefnalegum farvegi og vona að það haldist í honum.

9. janúar 2004 kl. 11:03 GMT | #

Þórarinn LEifsson svarar:

"allt yfirbragð skipulagðrar atlögu að Hannesi".

Væri gaman ef þú færir dýpra þarna. Biður sá sem ekki veit. Mainar þú að Gauti og Kress og Halldór G ofl hittist á fundum og skipuleggji aðför? Sjálfur er ég stoltur af ósmekklegri og ómálafnalegri aðför að því sem á ekki virðingu mína. Enginn skipuleggur mig, nema kanski Ical.

bestu kveðjur totil

9. janúar 2004 kl. 11:46 GMT | #

Már Örlygsson svarar:

Totil, ég er ekki að leggja til neinar samsæriskenningar. Þetta var bara sú tilfinning sem ég fékk þegar öll lætin byrjuðu.

9. janúar 2004 kl. 13:15 GMT | #

Þórarinn LEifsson svarar:

Ok. Fair enough.

9. janúar 2004 kl. 14:45 GMT | #

Hannes Hólmsteinn Gissurarson svarar:

Vegna orða Páls Ásgeirs um heimkomu mína er rétt að upplýsa, að ég kom til landins síðdegis á nýársdag og lét verða mitt fyrsta verk að sækja nýársfagnaðinn í Perluna. Ég kom beint frá Sri Lanka, þar sem ég hafði verið í jólaleyfi, áður en ég átti að sækja ráðstefnu Mont Pelerin samtakanna, sem ég er varaformaður í, en þau samtök eru eins konar málfundafélag frjálslyndra fræðimanna. Ég tók mér hins vegar góðan tíma í að fara yfir fréttaflutning af „máli“ mínu, enda ekki vanþörf á. Eflaust hefur mér orðið eitthvað á, eins og öllum, í bók minni, þótt ég legði mig allan fram um að skrifa fróðlega og skemmtilega bók, sem væri líka sanngjörn í garð söguhetjunnar, Halldórs Kiljans Laxness. En mér fannst herferðin gegn mér í fjölmiðlum fáránleg og nánast óskiljanleg. Hannes Hólmsteinn

18. janúar 2004 kl. 11:19 GMT | #