Færslur föstudaginn 12. desember 2003

Kl. 13:33: Innflutningspartí á morgun 

Við Stína höfum boðað til lítils innflutningspartís annað kvöld, laugardag, kl. 22:00 í nýju íbúðinni okkar í Stangarholti 6 (ská á móti myndbandaleigunni James Bönd).

Ég er búinn að senda út slatta af boðsskeytum í tölvupósti, en eins og alltaf þá gleymast einhver nöfn í öllum hamagangnum, og einhverjir póstar skila sér ekki. Það þýðir að þó að þú hafir ekki fengið tölvupóst frá okkur, þá er þér engu að síður líklega boðið. :-)

Sér í lagi hefði ég gaman að því að sjá andlitin á sambloggurum, stalkerum og öðrum reglulegum lesendum. Ef þið hafið ekkert sérstakt að gera annað kvöld þá megið þið alveg kíkja í heimssókn. Leyniorð kvöldsins er "smu" :-)

Innflutningsgjafir eru afþakkaðar, en ef fólk má til með að gefa okkur eitthvað, þá þykja okkur s-afrísk og grísk hvítvín mjög góð, sem og flest bragðmeiri rauðvín. Okkur vantar hvorki búsáhöld né skrautmuni.

P.S. Svo vill til að Logi er líka með innflutningspartí annað kvöld, í Stórholti 1 (4.h), kl. 20:00 og þeim sem þekkja hann líka er óhætt að líta við hjá honum. Við Stína verðum þar framan af kvöldi.

Svör frá lesendum (6) | Varanleg slóð