Fréttir.com í "delete"-ham

Ritstjórn FRÉTTA svarar:

Sælir herra minn.

Nú er spurt og svarað:

1. Af hverju þarf "ritstjóri" að vera í gæsalöppum?
2. Vinnureglur FRÉTTA eru einfaldar. Þegar safnast saman rætin, persónuleg og meiðandi comment fyrir aðra en ritstjórann (ekki í gæsalöppum) þá verður ritstjórinn fúll og lokar á kommentaboxið. Lesendur hafa næg tækifæri til að koma sínum skoðunum á framfæri með því að senda póst á ritstjórann.
3. Ritstjórinn telur alveg við hæfi að eyða "löngum hala" af commentum án skýringa ef honum sýnist svo, sérstaklega þegar þau beinast að saklausum aðilum.
4. Ég dreg ekki í efa að þú dragir ekki í efa rétt minn til að eyða og breyta eins og mér sýnist. Ég efa heldur ekki að þú sért að velta fyrir þér hvort mér þyki ekki við hæfi að setja mér skýrar vinnureglur í þeim efnum og hafa þær uppi á borðinu, sérstaklega í ljósi þess að ég "a) virðist vilja láta taka mark á blogginu mínu eins og það sé fjölmiðill og b)skýt gjarnan föstum skotum á vinnuaðferðir og útgáfusiðferði annarra "fjölmiðla".
5. Vinnureglurnar eru skýrar - þegar lesendur verða ljótir, lokast kommentaboxið. Ég sé enga sérstaka ástæðu til að búa til sérdálk um slíkt.
6. Hver vill ekki láta taka mark á blogginu sínu? Veistu kannski um einhvern sem vill ekki láta taka mark á sér?
7. FRÉTTIR er fjölmiðill, ekki "eins og það sé." Þar birtast fréttir og fréttunum er miðlað, nema þú sért fastur í þeim hugsunarhætti að bara dagblöð, útvarp og sjónvarp megi vera fjölmiðill...en ég efa það. Hvaða skilyrði þarf vefur annars að uppfylla til að teljast fjölmiðill í þínum huga?
8. Föst skot FRÉTTA á aðra miðla varðandi útgáfusiðferði og vinnuaðferðir breytast ekkert þó lokað sér fyrir rætnar athugasemdir einstaklinga sem eiga bágt.
9. Ég dreg ekki í efa að þér "finnst þetta í hæsta máta hallærislegt". Það er líka þinn réttur. Minn réttur er að vera hallærislegur og vernda þá sem ekkert hafa til saka unnið með því að eyða út því sem við á.

Veit ekki...nægir þetta?

kv

Ritstjórinn (ekki í gæsalöppum)

18. nóvember 2003 kl. 13:38 GMT | #

Már Örlygsson svarar:

Takk fyrir svarið.

Ég setti "ritstjóri" í gæsalappir. Engar illar meiningar með því. Að öðru leyti: no comment.

Varandi það hvort Fréttir.com sé/vilji vera fjölmiðill, taktu eftir að ég setti gæsalappir utan um orðið "fjölmiðill". Því fer fjarri að ég sé fastur í viðjum úreltra hugmynda um hvað sé fjölmiðill og hvað ekki. Ég sagði aðeins að mér sýndist þú vilja að fólk (og aðrir fjölmiðlar?) tækju mark á blogginu þínu eins og um allt að því hefðbundinn fjölmiðil væri að ræða.

Hallærislegt já. Það er fleiri en ein leið til þess að hreinsa til í svarhölum og sumar hverjar mjög skýrar, snyrtilegar og áhrifaríkar. Mér fannst leiðin sem sem þú valdir vera óheppilega hallærisleg.

Meira var það ekki. :-)

Már Örlygsson - ekki ritstjóri, bara helvíti töff bloggari.

18. nóvember 2003 kl. 13:54 GMT | #

Ritstjórn FRÉTTA svarar:

Sælir aftur hr helvíti töff bloggari.

Hverjar eru þessar skýru, snyrtilegu og áhrifaríku aðferðir til að hreinsa til í svarhölum án þess að vera tengdur 24/7 og með sífelldar áhyggjur af árásum illa gefinna einstaklinga þegar maður er ekki nálægt tölvu svo hægt sé að kippa út hlutum?

Ritstjórinn hallærislegi ;-)

18. nóvember 2003 kl. 13:59 GMT | #

bió svarar:

er ég fattlaus eða...

er þetta útstrikaða komment kommentið frá Jakobi Bjarnari eða var eitthvað annað þarna sem ég missti af?

18. nóvember 2003 kl. 14:17 GMT | #

Stefán svarar:

Heyrðu mig nú Már! Ekki get ég nú skrifað upp á þessa krítík þína á Frétta-ritstjórann.

Það er geysilegur munur á því hvort menn stelist til að breyta eigin færslum og fella út efni af síðunni sinni eða því að klippa út úr athugasemdakerfi.

Illu heilli eru ansi margir vefnotendur sem ekki hafa þroska til að nota athugasemdakerfi og setja þar inn allskyns óhróður oftar en ekki í skjóli nafnleyndar. Ritstjóranum hlýtur að vera í sjálfsvald sett hvort hann lætur slíkt hanga uppi á síðunni sinni.

Dagblöðum ber engin skylda til að birta hvaða lesendabréf sem er og fjölmiðlar almennt þurfa ekki að miðla öllu því efni eða athugasemdum sem þeim berast. - Allir fjölmiðlar stunda líka slíka stýringu og vel að merkja, ritstýring er ekki það sama og ritskoðun. Hvort reglurnar sem farið er eftir við það séu skráðar eða óskráðar getur verið með ýmsum hætti. Persónulega hef ég meiri trú á almennri smekkvísi í þessum efnum en niðurnjörvuðum reglum og tel ekkert hallærislegt við það.

18. nóvember 2003 kl. 14:21 GMT | #

Einar Örn svarar:

Ég er sammála hluta af því, sem Már segir. Ég held að einföld tilmæli fyrir framan ummælaboxin myndu hjálpa mikið. Ég skrifa til dæmis fyrir framan hjá mér:

"Ég áskil mér allan rétt til að eyða út ummælum, sem eru á einhvern hátt móðgandi, hvort sem það er gagnvart mér sjálfum eða öðrum. Þetta á sérstaklega við um nafnlaus ummæli."

Þetta setti ég inn eftir að hafa ítrekað fengið einhver bjánakomment með upphrópunum og dónaskap. Kannski að einhverjir bjánar sleppi því að setja inn komment ef þeir vita að þau fá ekki að standa lengi.

Ég held að einfaldasta leiðin sé að breyta bara kommentinu og skrifa stutt skilaboð í staðinn einsog: "Ummælum eitt vegna bla bla bla...". Það myndi gera Má sáttann allavegana.

En það má Guð vita að ég er á því að menn hafi fullkominn rétt á að eyða út kommentum á síðunum sínum. Það er alveg með ólíkindum hvað fólk lætur frá sér undir skjóli nafnleyndar netsins.

18. nóvember 2003 kl. 14:31 GMT | #

Strumpurinn svarar:

Síðan er alltaf hægt að sleppa því bara að hafa kommenta kerfi á síðunni sinni. Eftir að hafa séð hvernig kommentakerfi eru (mis)notuð hjá öðrum bloggerum ákvað ég að ofureinfaldlega sleppa því að setja það upp hjá mér.

Það fær sumsé einungis eitt fífl að skrifa á mína síðu og það er ég.

Strumpakveðjur :)

18. nóvember 2003 kl. 14:42 GMT | #

annar Stefán svarar:

Sem einn af þeim sem las þessi comment dreg ég í efa að ástæða þess að athugasemdirnar voru fjarlægðar sé eingöngu innihald innsendra athugasemda, heldur innihald þeirra svara sem "ritstjórinn" byrjaði á að senda frá sér. Þau voru, að mínu viti, fyrir neðan hans virðingu. Ég hef miklar mætur á Denna og skiptir þá ekki máli hvort hann er "ritstjórinn" eða ekki. Mín tilfinning er að hann hafi einfaldlega hlaupið á sig í sínum svörum, séð eftir því, og eytt öllu saman til að vera "laus" við umræðuna.

Ég er ekki bloggari og því lítt kunnugur þeim leikreglum sem eru í gangi en mér finst það skjóta skökku við að leyfa notendum að setja inn athugasemdir við sumar fréttir en aðrar ekki. Á sama tíma þykir mér eðlilegasti hlutur komið sé í veg fyrir að einstaka athugasemd birtist á vefnum. Mér finst það hins vegar ekki lausn að birta vafasamar athugasemdir, svara þeim síðan í bræði og henda svo öllu þegar skynsemin nær aftur yfirhöndinni.

Afskiftasamur aðdáandi frétta.com

18. nóvember 2003 kl. 15:06 GMT | #

margeir svarar:

Ein spurning: Býður Movable Type (kerfið sem keyrir m.a. þennan vef ásamt vef FRÉTTA) ekki upp á það að þau komment sem send eru inn séu samþykkt af umsjónarmanni vefs áður en þau fara í loftið?

18. nóvember 2003 kl. 15:10 GMT | #

Ritstjórn FRÉTTA svarar:

Hr. afskiptasamur.

Þú ert aldeilis viss um að hafa lesið ÖLL kommentin og setur þig á háan hest að geta dregið orð mín í efa. Ég er s.s. lygari eða hvað? Innihalda svara minna voru afar einföld og ég veit ekki hvar þú setur mína virðingu (svakalega ofarlega) fyrst þau voru fyrir neðan mína virðingu. Þakka þér fyrir að hafa mætur á mér en þín tilfinning er einfaldlega röng. Ég sé aldrei eftir neinu sem ég skrifa, stundum skrifa ég vitleysu, en ég sé aldrei eftir því. Varðandi leikreglurnar, þá loka ég fyrir komment frá og með deginum í dag, það skýtur því ekkert skökku við að mega setja athugasemdir í fortíð, en ekki nútíð eða framtíð.

Varðandi :"Mér finst það hins vegar ekki lausn að birta vafasamar athugasemdir, svara þeim síðan í bræði og henda svo öllu þegar skynsemin nær aftur yfirhöndinni." þá:

Ég svara aldrei í bræði og hendi ekki einhverju þegar "skynsemin nær aftur yfirhöndinni."

Ritstjórinn

18. nóvember 2003 kl. 15:18 GMT | #

annar Stefán svarar:

Ég ætlaði mér ekki að vanvirða þig á nokkurn hátt og deili þeim breiskleika mínum hér að hafa hagað mér eins og ég ætlaði þér að hafa hagað þér, þó að það hafi verið í öðru samhengi.

Ég ætla mér heldur ekki að hafa lesið allar athugasemdirnar en fylgdist þó með þessari umræðu og reyndi að senda inn athugasemd þegar ég hafði lokið lestrinum en þá var búið að loka fyrir slíkt.

Ég er ekki fylgismaður svívirðinga á opinberum vettvangi (eða öðrum) og biðst forláts ef ég hef lesið rangt í eða gert þér eitthvað upp sem ekki var ástæða til.

Ég skrifa endrum og sinnum eitthvað sem ég sé eftir en þykist ekki mikið verri fyrir vikið.

kveðja, -Stefán (Áðdáandi frétta.com)

18. nóvember 2003 kl. 15:37 GMT | #

Ritstjórn FRÉTTA svarar:

Sælir aftur annar Stefán. No hard feelings eins og maðurinn sagði. Alltaf gott að vera kominn á jafnsléttu

18. nóvember 2003 kl. 15:48 GMT | #

Tómas Hafliðason svarar:

Steingrímur: Er það rétt skilið að þú ætlir að loka á athugasemdakerfið hjá þér alfarið? Ég vona að þú látir að því en lokir einfaldalega fyrir það fyrir ákveðnar færslur ef málin eru að fara í eitthver rugl.

18. nóvember 2003 kl. 15:51 GMT | #

Ritstjórn FRÉTTA svarar:

Sæll Tómas.

Skemmtilegt að nota vefinn hans Más til að ræða um mig. Eins og staðan er núna, þá hugsa ég að ég hafi ekki kommentakerfið í gangi. Það er einfaldlega of flókið að vera á vakt allan sólarhringinn við að fylgjast með svona vitleysu. Öllum er frjálst að senda mér póst sem fyrr, en ég hef ekki í hyggju að leyfa veiku fólki að húkka sér far á FRÉTTUM til að fá útrás. Rétt í þessu var verið að senda mér póst um að samsæriskenningar blómstri sem aldrei fyrr á málefnin.com. Þvílíkt og annað eins ;-)

18. nóvember 2003 kl. 16:01 GMT | #

Ágúst svarar:

Ég lít ekki á það sem rétt "ritstjóra" opinna kommentakerfa að henda út "óæskilegum" kommentum (ærumeiðandi, særandi, ósmekklegum), heldur SKYLDU þeirra sem halda úti vefleiðurum (svo maður dusti nú rykið af því gamla íslenska heiti á blogginu). Þetta á við hvort sem þeir flytja einungis fréttir af sjálfum sér að nýta sér miðilinn til fulls líkt og Fréttir.com hafa gert frábærlega að mínu mati. Mér finnst sjálfsagt að hafa einhvers konar "smátt letur" en sjálfur sleppi ég því t.d. Hvers vegna? Einsog ég sé þetta þá er síðan í mínu nafni, á mína ábyrgð og þar með ber ég ábyrgð á því sem birtist þar. Ég treysti fólki til að bera skynbragð á það sem er við hæfi og hvað ekki en ef það er ekki virt, þá er það mitt að ákveða að eyða kommenti út - á mínum forsendum. Ég er síðan beðinn af þeim sem skrifar kommentið að taka það út eða lagfæra það er sjálfsagt að verða við því.

Semsagt: Það á ekki að þurfa að vera "smátt letur" fyrir kommentakerfi. Már er t.d. sjálfur bara með "Ath: Svörum með fölskum netföngum verður eytt." - gott og vel. Menn geta gefið skýringar ef þeir eyða út kommentum en mér finnst þeir ekki þurfa þess, engan veginn. Þeirra er ábyrgðin, ákvörðunin og samviskan.

Annað finnst mér gilda um þann texta sem maður birtir sjálfur. Ef maður eyðir sjálfur færslu sem maður hefur skrifað finnst manni bera skylda að skýra hvers vegna. Rétt einsog að manni ber að geta þess þegar meiriháttar leiðréttingar eru gerðar á færslum (t.d. ef staðreyndir hafa í fyrstu verið ranglega meðfarnar).

Þetta er hinsvegar ágæt pæling. Er kannski svo komið að allir "metnaðarfullir" bloggarar þurfa að stofna með sér félag. Setja sér siðareglur líkt og blaðamannafélagið. Er Már ekki sjálfkjörinn í undirbúningsnefnd ;)

ps. Kæri Steingrímur, ég vona að þú opnir aftur fyrir kommentakerfið hjá þér. Mér finnst Fréttir.com vera fréttastofa litla mannsins og þar af leiðandi finnst mér það frábært þegar hægt er að kommenta á fréttirnar. Ég hef t.d. sjálfur a.m.k. einu sinni komið með málefnalega athugasemd við frétt hjá þér. Sem ritstjóri fjölmiðils litla mannsins legg ég tvennt til: A) Finna laun á þessu með kommentin, opna kerfið aftur með einhverju móti. B) Opna reikning fyrir frjálsum framlögum.

18. nóvember 2003 kl. 16:28 GMT | #

Óli Gneisti svarar:

Ég er eiginlega nákvæmlega sammála Ágústi, mér finnst þetta var skylda þess sem sér um síðuna að eyða út öllu svona óæskilegu.

18. nóvember 2003 kl. 17:08 GMT | #

Salvör svarar:

Hæ Már, í dag talar þú fullur vandlætingar um aðra bloggara sem stýra sínum kommentakerfum og þurrka út það sem þeim sýnist:-) Öðruvísi mér áður brá. Ég man ekki betur að þú hafir RITSKOÐAÐ eitt komment sem ég skrifaði í kommentakerfið þitt fyrir margt löngu. Ég var þá að tala um ungan pilt Gr að nafni sem hafði yndi af að tuða til að ergja femínista. Reyndar heitir hann ekki Gr en þú breyttir nafni hans svoleiðis. Eftir það er orðatiltækið G**r notað af mér til að tákna svona tvöfalt siðgæði, reglur fyrir mann sjálfan og öðruvísi reglur fyrir hina:-)

18. nóvember 2003 kl. 20:23 GMT | #

Már Örlygsson svarar:

Salvör, skoðanir mínar í þessum efnum eru mun einfaldari og heilsteyptari en þú lætur hljóma, og það eitt að ég hef aðrar skoðanir en þú í þessum efnum þýðir ekki sjálfkrafa að mitt siðgæði sé tvöfalt eða ég sjálfum mér ósamkvæmur.

Stefán Páls og Salvör, lesið það sem ég skrifaði, ég tek það skýrt fram að ég virði rétt Steingríms (og að sjálfssögðu annara bloggara líka) til að eyða út eða breyta athugasemdum þegar þurfa þykir. Með því að gefa í skyn að ég sé að halda öðru fram eruð þið hreinlega að gera mér upp skoðanir sem ég hef ekki.

Ég ritstýri (mjög varlega reyndar!!) umræðunni sem fer fram hér á þessu vefsvæði og hef í gegn um tíðina hvatt bæði Bjarna Rúnar, Salvöru og ég-man-ekki-hverja fleiri til að gera slíkt hið sama. Umræðuvefir eru eins og matjurtagarður; maður þarf að hlúa að þeim og reyta arfann ef maður vill fá væna uppskeru í lok sumars.

...en aftur að því sem ég hélt af stað með í upphafi umræðunnar... Steingrímur notar garðyrkjuaðferðir sem mér finnast óheppilega hallærislegar fyrir bloggara af hans kalíberi og metnaði.

1. mistök voru að leyfa tröllunum að þrífast í umræðunni á Fréttir.com

2. mistök voru að missa sig út í að svara tröllunum og þannig hvetja þau enn frekar til dáða.

3. mistök voru að uppgötva mistök 1 og 2 og bregðast við því með því að eyða á einu bretti allri umræðunni, og þar með allri forsögu málsins og möguleikum þátttakenda og annara lesenda að mynda sér sjálfsstæða skoðun á málinu og læra af mistökum sínum og annara. Það hefði nægt að klippa til (og merkja vandlega!!) þau svör í svarhalanum sem voru ærumeiðandi, skrifa stutta orðsendingu til lesenda um að svona geri maður ekki, og loka svarhalanum.

...en þetta er í raun efni í alveg prýðis bloggfærslu seinna meir. Læt þetta duga í bili.

19. nóvember 2003 kl. 07:46 GMT | #

Stefán svarar:

Jæja, þá er ég búinn að verða við áskorun Más og lesa aftur upprunalegu færsluna. Held reyndar að höfundurinn hefði gott af því að gera það sjálfur.

Færslan sem kom þessari umræðuskriðu af stað er snubbótt og skrifuð í pirringslegum stíl. Ég efast ekki um að Már hefur heilsteypta hugmyndafræði varðandi það hvernig hann vill sjá umræður á spjallsvæðum. Ég ætla heldur ekki að halda því fram að hann sé ekki sjálfum sér samkvæmur. Um þessi mál og svipuð hefur hann bloggað oft og mikið, í flestum tilvikum af miklu viti.

Hins vegar verður að segjast að í færslunni hér að ofan er leiðinlegur pirringstónn sem ég skil mætavel að Steingrími hafi gramist.

Skringileg notkun á gæsalöppum og leiðinleg orðanotkun á borð við þá að Már sé að velta því fyrir sér hvort Steingrímur "vilji láta taka sig alvarlega" - þetta ber með sér óþarflega mikið ergelsi.

En til að þetta endi ekki í óþarfa karpi allt saman og til að eitthvað uppbyggilegt komi út úr þessu mæli ég með því að Már taki sjálfan sig á orðinu og semji bloggfærslu um það hvernig hann telji rétt að menn rækti athugasemdagarðinn sinn, hvenær skuli reyta og hvenær nægilegt sé að snyrta...

Og þá ættum við öll að geta hlaupið kát í bragði út í sólarlagið!

19. nóvember 2003 kl. 09:34 GMT | #

Dadi svarar:

Eins og ådur setur Mår sig å hærri hest en adrir i kringum sig. I ekki fyrsta og vona eg ekki i sidasta heldur.

Høfundur mætti hugsa sig vandlega um ådur en hann skrifar svipada færslu aftur.

T.d stendur eingungis herna a sidunni ad svørum med følsku netføngum verdur eytt. Thydir thad ad eg megi svivirda einstaklinga utan thessara sidu eda jafnvel høfund sjålfan og sja thad svar mitt standa her um okomna tid? Thad er ju ekki skyrar reglur um thad her.

19. nóvember 2003 kl. 11:39 GMT | #

Már Örlygsson svarar:

Stefán, aftur ertu að lesa meira í bloggfærsluna mína en efni standa til. Það er enginn pirringur í gangi þarna. Ég tók ekki þátt í þessari umræðu sem Steingrímur eyddi og ég fékk ekki einu sinni færi á að lesa hana alla því þegar ég ætlaði að tékka á hvað væri að gerast í svarhalanum þá var búið að eyða honum.

Ég sagði það einfaldlega berum orðum að mér þótti þetta hallærislegt og stend fullkomlega við það, þó ég skilji vel að Steingrími hafi verið heitt í hamsi eftir orðaskakið og þessi gagnrýni frá mér hafi ekki gert hann neitt glaðari.

Líklega hefði ég átt að sleppa því að nota gæsalappir, en sorrí mér datt ekki í hug að Steingrímur mundi móðgast yfir því að vera titlaður ritstjóri í gæsalöppum. Ég virkilega trúði því að hann hefði fullan húmor fyrir þessu titlatogi sínu... ...ég meina að titla sig "ritstjóri" (að ég tali ekki um "ritstjórn") á einmenningsbloggi er álíka fyndið og að trúbador með kassagítar kalli sig "hljómsveitarstjóra".

19. nóvember 2003 kl. 14:36 GMT | #

Ritstjórn FRÉTTA svarar:

Már.

Ekki var mér heitt í hamsi og sá sem ekki getur tekið gagnrýni er í vondum málum. En líklega eru fáir sem verða glaðir við gagnrýni. Hvað blessaðar gæsalappirnar varðar, þá móðgaðist ég nú ekki neitt, enda held ég að þeir sem lesið hafa FRÉTTIR í gegnum tíðina hafi séð að undirritaður er fréttastjóri, ritstjóri, eigandi, hluthafi, blaðamaður, dreifingarstjóri, ábyrgðarmaður og verkalýðsleiðtogi á miðlinum. Hafi einhver móðgast, var það einhver annar en ég. Ég spurði bara um gæsalappirnar vegna þess að mér fannst, eins og fleirum greinilega, það bera vott um pirring - og þann pirring skyldi ég ekki. End of story hvað mig varðar.

Eigandinn ;-)

19. nóvember 2003 kl. 16:02 GMT | #

annar Stefán svarar:

Hæ,

Velti því fyrir mér hvort ekki sé hægt að finna nýjan vínkil á þessari umræðu svo hægt sé að halda henni lifandi eitthvað áfram.

Top 10 listinn yfir mögulegt framhald:

1. Már hendir út þessum færslum, setur bann á ahugasemdir og við færum okkur eitthvað annað.

2. Salvör setur inn það móðgandi skilaboð að Már neyðist til að henda þeim út.

3. Steingrímur opnar aftur fyrir athugasemdir á sínum vef og við færum umræðuna, athugasemd fyrir athugasemd, þangað.

4. Steingrímur setur inn skilaboðin sem hann henti út af sínum vef hér, til þess að allir geti dæmt um það hvort nauðsyn hafi verið að henda þeim í fyrsta lagi.

5. Ég held áfram að koma með ómerkilegar tillögur í þessum anda og sem á endanum enda með eintali.

6. Einhver skammar mig fyrir að vera að gera góðlátlegt grín að þessu öllu.

7. Már eyðir þessari færslu og þeir sem sáu hana geta þá haldið áfram að velta fyrir sér tvöföldu siðgæði hans.

8. Daddi sendir inn sitt innlegg á íslensku.

9. Daddi svara þessu innleggi með að benda á vel staðsettar stafsettningarvillur.

10. Stefan (hinn en ekki annar) og Salvör búa til samantekt úr þeim pistlum sem Stefán vitnaði í og láta nokkrar vel valdar athugasemdir fylgja.

Kveðja, -Stefán

19. nóvember 2003 kl. 18:16 GMT | #

Már Örlygsson svarar:

1. Már bendir "öðrum" Stefáni á að umræddur Daddi heitir í raun Dadi (eða Daði?).

2. Már leggur til að "annar" Stefán kalli sig hér eftir "Stefán annar" sem útleggðist með konunglegum styttum rithætti sem "Stefán II".

Jæja, látum gott heita af vitleysunni. :-)

20. nóvember 2003 kl. 07:54 GMT | #

egill svarar:

Már, með fullri virðingu, þá ræður Denni væntanlega sjálfur því hvað hann gerir með sína síðu.

Sjálfum finnst mér það ömurlegt að hann hafi þurft að slökkva á kommentakerfinu, en á sama tíma geri ég mér grein fyrir því að hann hefur örugglega haft sínar ástæður.

Mig, né öðrum varðar bara ekkert um það. Þá frekar vil ég að kommentakerfinu sé lokað, en að FRÉTTIR hætti. Svo einfalt sé ég dæmið.

Sjáumst svo vonandi hressir og kátir fljótlega :)

20. nóvember 2003 kl. 15:33 GMT | #

Már Örlygsson svarar:

Já auðvitað viljum við ekki að Fréttir.com hætti, enda var enginn að hvetja til þess. Mig grunar sömuleiðis að það hafi verið hárrétt ákvörðun hjá Steingrími að hætta að taka við svörum við fréttirnar sínar - a.m.k. um stundarsakir eins og staðan var orðin. Þessi svör sem voru að birtast neðst í fréttunum hans bættu yfirleitt engu við og voru oftar en ekki bara gaspur og kjaftæði.

En eins og Steingrími er frjálst að gera það sem honum sýnist á síðunni sinni þá er mér frjálst að hafa mínar skoðanir á því og tjá mig um þær. :-)

Sjáumst.

21. nóvember 2003 kl. 09:53 GMT | #