Mér finnst vefhýsingin hjá Edal.is (einnig Edal.net) líta ansi spennandi út - og gleðst yfir því að loks sé komið íslenskt fyrirtæki sem hýsir heimasíður fyrir fólk og smærri fyrirtæki og rukkar ekki hönd og fót fyrir einfaldan hlut.
Getur einhver sagt okkur eitthvað af viti um þetta fyrirtæki? Stöðugleika? Reynslu? Kunnáttu? Þjónustu?
Joe Maddalone er með fínar leiðbeiningar um hvernig hægt er að keyra margar útgáfur af Internet Explorer í einu á sömu tölvunni án þess að nota flóknar og dýrar reddingar á borð við VMWare. Þetta er augljóslega alveg brilljant lausn fyrir svona vefforritunarnörd eins og mig.
Ég er ekki búinn að prófa þessar leiðbeiningar, þannig að ég veit ekki hvort þær virka jafn vel undir Windows 2000. Kemur í ljós.
Uppfært: Ryan Parman er búinn að útbúa ZIP skrár með öllu sem þarf og sannreyna að þetta virkar undir Windows 2000. Takk Andri fyrir ábendinguna.
(Atriðin í listanum vísa á ákveðna kafla ofar á síðunni.)
![[Passamynd]](/files/2003/05/mar.gif)
Már Örlygsson
Nýleg svör frá lesendum