Færslur föstudaginn 31. október 2003

Kl. 16:56: Allt að gerast 

Í gærkvöldi og nótt var ég pússa og bæsa borð sem við keyptum í Góða hirðinum og eiga að fara í nýju stofurnar okkar.

Í dag geng ég um með 3ja milljón króna bankaávísun í vasanum.

Í kvöld kíkjum við Stína í hrekkjavökuteiti hjá Bjarna og Unni.

Í hádeginu á morgun fáum við afhenta nýju íbúðina í Stangarholtinu (gæti haft eitthvað með 3ja milljón króna ávísunina að gera) og þá byrjar ballið.

Á mánudaginn byrjar Logi Garpur í aðlögun hjá voða indælli og ömmulegri dagmömmu.

Við Stína erum að fara að taka þátt í kommúnurekstri á bíl með Bjarna, Unni og e.t.v. einhverju fleira fólki.

Sendu þitt svar | Varanleg slóð

Kl. 12:21: Karlar skrifa um femínísk hitamál 

Anarkista-femínistinn Siggi Pönk um vændisfrumvarpið:

"Það er einmitt ein bakhliðin á þessu máli; að þingmenn vilja ekki horfast í augu við það að félagslegar aðstæður á Íslandi geta, fyrir einhvern lítinn hóp, verið það ömurlegar að fólk neyðist út í vændi til að framfleyta sér. Til að sópa þessum staðreyndum undir teppið eru sett lög gegn vændi."

Svavar kemur með skemmtilega athygilverðan punkt:

"Hvern hefði grunað að þyrnirinn í augum íslenskra jafnréttissinna, fegurðarsamkeppnirnar, gætu verið vopn númer eitt í kvenréttindabaráttu í Afganistan?"

og Drengur svarar um hæl:

"Full réttindi kvenna í Afganistan verða ekki tryggð fyrr en afgangskar konur eru farnar að taka 2-3 drjóla í rassinn á DVD!!!"

Ég fíla svona kaldhæðinn öfugmæla-húmor. Hann neyðir mann til að hugsa um hlutina. :-)

Sendu þitt svar | Varanleg slóð