Már Örlygsson - Heimasíða og blogg - aðgengileiki í fyrirrúmi.

Hólpinn

Skrifað 27. október 2003, kl. 09:20

Kominn inn með kaffi og léttan árbít í magann. Hlýnar óðum.

Það tilkynnist hér með að ég hafði konuna mína yndisfríða fyrir rangri sök fyrr í morgun. Hún hafði hvorki slökkt á farsímanum sínum, né heimasímanum. Hún einfaldlega svaf í gegnum u.þ.b. 20 "missed calls". Það má til gamans nefna að farsíminn var 2,5 m frá höfðinu á henni og heimasíminn um 6 m í burtu. Þá skulu ónefndar barsmíðarnar á hurðina á ganginum, og smásteinarnir sem ég lét árangurslaust dynja á glugganum sem við sofum við af fimm hæða vinnupallinum á húsinu við hliðina.

Hún sefur stundum svolítið fast þessi elska.

Svör frá lesendum (4)

Zato svarar:

He he he he ..... finndið :-)

27. október 2003 kl. 17:16 GMT | #
Fjóla svarar:

Mikið hlýt ég að vera haldin litlu umburðarlyndi... maðurinn minn á það nefninlega líka til að sofa "svolítið" fast, en þá er hann ekki kallaður elska, né heldur yndisfríður, heldur honum formælt og sagt að "venja sig af þessu". Já, þar kom ég upp um innræti mitt...;)

28. október 2003 kl. 00:01 GMT | #
Nonni svarar:

Ég var einmitt að hugsa það sama. Þorði samt ekki að segja neitt..

28. október 2003 kl. 00:29 GMT | #
Nonni svarar:

Hún ástin mín yndislega var einmitt að lesa yfir öxlina á mér og kom með þessa ódauðlegu setningu: "Ég hefði kýlt þig". Svo hló hún.

28. október 2003 kl. 00:31 GMT | #