Færslur mánudaginn 27. október 2003

Kl. 19:04: Sniðugur "ráðið mig" texti 

Michael Barrish dreymir um að auglýsa sjálfan sig með þessum orðum:

"Hire me. I know what I'm doing. I am not a jerk. I will listen to you and probably talk you out of three bad ideas. I will make jokes. When the bill comes, you will feel like you got a great deal."

Vissuð þið að ég tek að mér að gera úttektir á aðgengileika vefsvæða og koma með skynsamlegar tillögur um hönnunarúrbætur? Sama með notendaviðmót. Sama með HTML forritun og CSS. Vissuð þið það?

Þið vitið það núna.

P.S. Ég er engan veginn verkefnaþurfi. Mér finnst bara þessi setning svo æðisleg að mig langaði að deila henni með ykkur. Það getur vel verið að einn daginn muni ég þýða hana á íslensku og setja hana efst í ferilskrána mína. :-)

Sendu þitt svar | Varanleg slóð

Kl. 18:05: Snögg úttekt á aðgengi fatlaðra 

Ég er núna að skoða kóðunina á vefsvæði Sjálfsbjargar, landssambands fatlaðra, með tilliti til aðgengis fatlaðra að henni. Disable Styles, Hide images, Disable javascript, smelli-smelli, View source.

Það er mjög þægilegt að gera svona snöggar úttektir í Mozilla Firebird vafranum, sérstaklega ef maður er með Web Developer viðbótina uppsetta.

Svör frá lesendum (1) | Varanleg slóð

Kl. 09:20: Hólpinn 

Kominn inn með kaffi og léttan árbít í magann. Hlýnar óðum.

Það tilkynnist hér með að ég hafði konuna mína yndisfríða fyrir rangri sök fyrr í morgun. Hún hafði hvorki slökkt á farsímanum sínum, né heimasímanum. Hún einfaldlega svaf í gegnum u.þ.b. 20 "missed calls". Það má til gamans nefna að farsíminn var 2,5 m frá höfðinu á henni og heimasíminn um 6 m í burtu. Þá skulu ónefndar barsmíðarnar á hurðina á ganginum, og smásteinarnir sem ég lét árangurslaust dynja á glugganum sem við sofum við af fimm hæða vinnupallinum á húsinu við hliðina.

Hún sefur stundum svolítið fast þessi elska.

Svör frá lesendum (4) | Varanleg slóð

Kl. 08:13: Læstur úti II 

Ég meina hver slekkur á fokking heimasímanum?! Arg! pirr! Ég er óétinn og illa sofinn, og veskislaus í þokkabót. En hey, ég get bloggað. (Sent úr síma 6975818)

Sendu þitt svar | Varanleg slóð

Kl. 08:00: SMS blogg 

Hjálp! èg er læstur úti og mér er kalt. Slökkt á öllum símum heima (skilnaðarsök að svo stöddu). Verð á Hlemmi að hlýja mér. (Sent úr síma 6975818)

Svör frá lesendum (1) | Varanleg slóð

Kl. 01:48: Sólon Íslandus 

Merkileg bók. Sölvi Helgason er með athyglisbrest og væri á rítalíni í dag. Þá hefði bókin aldrei verið skrifuð. Merkilegt. (Sent úr síma 6975818)

Svör frá lesendum (1) | Varanleg slóð