Magadansvinna

Skrifað 21. október 2003, kl. 18:03

Í kvöld ætla ég að hjálpa Josy og Hinrik að brjóta niður veggi í húsnæðinu þar sem áður var gamla Apple umboðið í Skipholtinu, því um mánaðarmótin ætla þau að opna þar "Magadanshús Josyar Zareem" og byrja kennslu í magadansi fyrir jafnt byrjendur sem lengra komna.

Stína konan mín er góð vinkona Josyar og mun kenna tvö kvöld í viku í Magadanshúsinu.

Ég hef svo tekið að mér að setja upp og hanna kynningarsíðu fyrir Magadanshúsið (MT!) þar sem áherslan verður á einfalda og skýra framsetningu upplýsinga um námskeiðin, kennarana, aðstöðuna og vörurnar sem verða til sölu í búðinni sem verður starfrækt samhliða dansstúdíóinu.

Það er voða spennandi að sjá svona batterí verða til.