Fágæt augnablik

Skrifað 12. október 2003, kl. 12:28

Það er fátt fallegra en að sjá konuna sína sitja og sötra kaffi uppi í sófa úthvílda og afslappaða í fyrsta skipti í nokkrar vikur.

Það er fátt fyndnara en að koma að syni sínum 15 mánaða, blautum í fæturna í miðjum stórum kaffipolli, skælbrosandi með kaffitauma niður munnvikin og hökuna. Hann hleypur núna um íbúðina með ofvirknisglampa í augum og andardrátt sem ilmar af latte.

Í dag er ég að vinna.

Meira þessu líkt: Logi Garpur, Sögur og minningar.