Már Örlygsson - Heimasíða og blogg - aðgengileiki í fyrirrúmi.

Frelsi? Réttur? Réttlæti?

Skrifað 4. október 2003, kl. 14:20

"Hægri-Frjálshyggjan er fegruð leið að áfanga sem nefnist lénsskipulag". (stolin tilvitnun)

Lénsskipulag er einmitt náttúrulegur jafnvægispunktur samfélagskerfis þar sem eina hlutverk ríkisins er að vernda eignaréttinn. Það sorglega er að hægri-frjálshyggjudrengirnir a) fatta það ekki, eða b) þora ekki að viðurkenna það.

P.S. ég er hallur undir ákveðna tegund frjálshyggju, bara ekki þá lénsskipulags-nálgun sem bláskjáir aðhyllast.

Meira þessu líkt: Pólitík.

Svör frá lesendum (7)

JBJ svarar:

Kunnugleg tilvitnun... :p

4. október 2003 kl. 15:38 GMT | #
JBJ svarar:

Nema hvað mín orð eru eldri en DonkiKode... frekar augljóst samt og ekki erfitt að tengja bláskjáina við aðalsmenn fyrri tíma

4. október 2003 kl. 15:41 GMT | #
Svansson.net svarar:

Öh, í lénsskipulagi var enginn eignarréttur eins og sá sem við þekkjum í dag. Kóngurinn átti allt, en úthlutaði því til lénsmanna sinna...

4. október 2003 kl. 18:04 GMT | #
JBJ svarar:

Ríkisstjórnin á allt en úthlutar því til lénsmanna sinna... your point?

4. október 2003 kl. 19:54 GMT | #
Már Örlygsson svarar:

JBJ, ég sagði líka sjálfur eitthvað mjög líkt þessari tilvitnun. Ég nennti bara ekki að grafa það upp því það var svo miklu fljótlegra bara að stela þessari.

Svansson, ég veit ekki alveg hvað JBJ meinar í svari #4, en punkturinn með tilvitnuninni er að undir fullkominni hægri-frjálshyggju þar sem ríkið skiptir sér ekki af neinu nema að vernda eignarétt einstaklinga og fyrirtækja, þá leitar kerfið í náttúrulegt "power-law" jafnvægisástand þar sem örfáir einstaklingar eða fjölskyldur eiga allt og hinir smærri éta úr lófa þeirra -- nákvæmlega sambærilegt við lénskerfi miðalda.

4. október 2003 kl. 21:41 GMT | #
JBJ svarar:

Þetta var varðandi einkavinavæðinguna... að einkavæða til þess að einkavæða.. jafnvel lífsnauðsynlega hluti eins og rafmagn og vatn! Í þetta er ég að borga skatta.. til að fá þessa hluti, ekki til að þeir verði seldir næsta einkavini.

4. október 2003 kl. 22:09 GMT | #
Svansson.net svarar:

En Már, þú getur t.d. átt hús, þú færð laun og getur valið hvar þú notar þau. Samfélag lénstímans og nútímans eru ekki sambærileg. Heimurinn er orðinn kvikari, hraðari margþættari og stærri. Völdunum og peningunum verður misskipt, en það verður aldrei neitt í líkingu við hið einsleita bændasamfélag miðaldanna.

Auk þess hugsa ég að ríkið hafi oft í gegnum tíðina tryggt fáeinar fjölskyldur og peningana þeirra í sessi, frekar en hitt. Vandamálin sem ég sé við frjálshyggjusamfélagið tengjast ekki of mikilli valdasamþjöppun, heldur skorti á félagslegu öryggisneti.

5. október 2003 kl. 18:29 GMT | #