![[Passamynd]](/files/2003/05/mar.gif)
Már ÖrlygssonVefleiðarar, rafræn "rit" og bókasöfn
Joe Clark: Compatibility of Weblogs and ISSN
People who publish and maintain Weblogs have applied for ISSNs. Some registrars have immediately registered the Weblogs; others have categorically refused to register Weblogs at all; and still others have reluctantly or selectively registered them. The evidence, however, indicates there are no justifiable reasons not to register Weblogs for ISSN providing they meet the regular criteria.
Athyglivert.
Meira þessu líkt: Varanleiki & URL, Útgáfa.
Svör frá lesendum (5)
Ásdís Huld svarar:
Já, mjög athyglisvert. Við fyrstu sýn virðist mér sem bókasafns- og upplýsingafræðingi að ef vefleiðarar geti fengið ISSN númer verði það að vera að uppfylltum mjög ströngum skilyrðum - t.d. um áreiðanleika bæði hvað varðar innihald og ekki síst uppfærslur. En þar sem ég sérhæfi mig ekki í ISSN og ISBN málum ætla ég svosem ekkert að fara að missa svefn yfir frekari pælingum um hver þessi ströngu skilyrði ættu að vera. En ég gæti trúað því að ef allir vefleiðarar heims ættu rétt á ISSN númeri þyrfti að endurskoða númerakerfið allverulega og fjölga tölustöfum... :-S
26. september 2003 kl. 14:53 GMT | #
Már Örlygsson svarar:
Já, endurskoðun núverandi kerfis er líklega óumflýjanleg - sérstaklega með tilliti til fjölda tölustafa. Þó bendir Clark réttilega á að einungis lítill minnihluti allra vefleiðara sæki nokkurn tíman um ISSN skráningu.
Varðandi kröfur um "áræðanleika" og "innihald" og "uppfærslutíðni" þá er vert að hafa í huga að engar slíkar kröfur virðast gerðar til sambærilegrar útgáfu á pappír. Eiga að gilda aðrar reglur um rafræna útgáfu?
Mér sýnist Clark færa býsna athyglisverð rök fyrir því að annað hvort eigi sömu reglur að gilda um vefleiðara og aðra útgáfu, eða ellegar þurfi bókasafnsfræðingar að draga til baka núverandi skilgreiningar á markmiðum ISSN kerfisins og bókasafna almennt, og taka opinskáa afstöðu til þess hvert hið nýja hlutverk þeirra á að vera.
Núverandi ástand lyktar örlítið skringilega - eins og örlítill hræsniskeimur sé af lyktinni. :-)
26. september 2003 kl. 15:06 GMT | #
Stebbi svarar:
Er það ekki athyglivert?
26. september 2003 kl. 16:16 GMT | #
Már Örlygsson svarar:
Jú líklega :-)
26. september 2003 kl. 16:36 GMT | #
Ásdís Huld svarar:
Endurskoðað svar :-)
Ég tek aftur þetta með innihaldið, veit ekki alveg hvað ég var að hugsa þegar ég skrifaði það. Það er auðvitað ekkert annað en ritskoðun sem enginn bókasafns- og upplýsingafræðingur vill láta bendla sig við :-) Varðandi uppfærslurnar þá átti ég við að ritstjórar vefleiðara þyrftu kannski að sanna að leiðarinn sé uppfærður reglulega, einmitt vegna þess að mjög há prósenta vefleiðara eru aldrei uppfærðir eftir að "nýjabrumið" er farið af þeim. Aftur á móti gæti það verið mjög gott í framtíðinni að hafa ISSN númer á rafrænum ritum. Ný bókasafnskerfi (t.d. hinn nýi Gegnir sem innan fárra ára verður sameinaður gagnagrunnur allra íslenskra bókasafna) geta nefnilega skráð vefsíður eins og hvert annað safngagn og notandinn getur smellt á vefslóðina beint úr kerfinu. Þetta þýðir að rafræn rit verða efnistekin á fagmannlegan hátt rétt eins og prentuð rit. Það er að segja ef bókasafnsfræðingarnir finna tíma til þess að skrá rafrænu ritin, en það er allt önnur ella! :)
26. september 2003 kl. 17:58 GMT | #